પાટણ તા. ૨૭
પાટણ ખાતે અધિક નિવાસી કલેકટર તરીકેની છેલ્લા બે વર્ષથી પ્રસંશનીય ફરજ બજાવી તાજેતરમાં બદલી પામેલ પ્રદીપસિંહ રાઠોડ નિવાસી અધિક કલેકટર, પાટણ ને બુધવારે પાટણ ની વિવિધ સંસ્થાઓ દ્વારા મોમેન્ટ આપીને હુંફાળુ વિદાયમાન આપવામાં આવ્યું હતું. તો નિવાસી અધિક કલેકટર તરીકે તેઓની જગ્યાએ આવેલ ભરતભાઈ પટેલ ને પાટણ ની વિવિધ સંસ્થાઓ એ બુકે, શાલ અને મો મીઠું કરાવી રૂડો આવકાર આપ્યો હતો.
પાટણમાં સતત બે વર્ષ જેટલો સમય ફરજ બજાવી વિદાય લઈ રહેલ પ્રદિપસિંહ રાઠોડે પાટણ પંથકના નગરજનો સહિત વિવિધ સંસ્થાઓ તરફથી ફરજ દરમ્યાન મળેલ સહકાર બદલ આભાર ની લાગણી વ્યક્ત કરી હતી.
તો નવનિયુક્ત અધિક નિવાસી કલેકટર દ્રારા પંથકના નગરજનો સહિત વિવિધ સંસ્થા ઓ ના સહકાર ની અપેક્ષા સાથે તેમને આવ કારવા બદલ સૌને આભાર ની અભિવ્યક્તિ વ્યકત કરી હતી.
પાટણ ની વિવિધ સંસ્થાઓ દ્વારા નવનિયુક્ત અધિક નિવાસી કલેકટર ભરતભાઈ પટેલ ના આગમનને વધાવવા અને વિદાય લઈ રહેલ પ્રદિપસિંહ રાઠોડને હુંફાળુ વિદાયમાન આપવાના આ કાર્યક્રમમાં યતિનભાઈ ગાધી, દિલીપભાઈ સુખડીયા, મુકેશભાઈ દેસાઈ, કિશોરભાઈ મહેશ્વરી, મનોજ પટેલ,જયેશ પટેલ,યશપાલ સ્વામી, જગદીશભાઈ ઠકકર (જે ડી.), ઝુઝારસિહ સોઢા, બાબુભાઈ પ્રજાપતિ, રોહિત પટેલ, દિલીપભાઈ પટેલ સહિતનાઓ ઉપસ્થિત રહ્યા હતા.
અહેવાલ યશપાલ સ્વામી
