પાટણની જય ભીમ ફાઉન્ડેશનની બહેનોએ બનાસકાંઠા એસ.પી. અક્ષયરાજ મકવાણાને રાખડી બાંધીને રક્ષા બંધન પર્વ ઉજવ્યું..

પાટણ,તા.૧૯
જયભીમ ફાઉન્ડેશન, પાટણના જિલ્લા પ્રમુખ શ્રીમતી ગીતાબેન ધીરજભાઈ સોલંકીની આગેવાનીમાં બનાસકાંઠા જિલ્લા પોલીસ અધિક્ષક અક્ષયરાજ મકવાણા ને રક્ષાબંધન પવૅ નિમિત્તે રાખડી બાંધીવાનો કાર્યક્રમ આયોજિત કરવામાં આવ્યો હતો. રક્ષાબંધન નિમિત્તે જય ભીમ ફાઉન્ડેશન ની બહેનો એ બનાસ કાંઠા જિલ્લા પોલીસ અધિક્ષક ને રાખડી બાંધી આશિર્વાદ આપ્યા હતા અને બહેનો દ્વારા એ પણ કહેવા માં આવ્યું હતુ

કે જેવી રીતે અમારા ભાઈ બનીને અમારી રક્ષા કરો છો બસ આવીજ રીતે કોઈ પણ સમાજ ની માઁ, બહેન કે દીકરીઓ આપના શરણે આવે તો એમને મદદ કરજો અને એમની પણ રક્ષા કરજો તેમજ વિશેષ મા પોલીસ અધિક્ષક અક્ષયરાજ મકવાણાને પાટણ ની યાદો પણ તાજા કરાવી હતી.

આ રક્ષા બંધન ના પર્વ મા જયભીમ ફાઉન્ડેશન, પાટણના પ્રમુખ તેમજ પાટણ નગર પાલિકાના પૂર્વ ઉપપ્રમુખ ગીતાબેન સોલંકી, સામજીક કાર્યકર સાધનાબેન પરમાર, વોર્ડ નંબર- 10 ના કોર્પોરેટર પીનલ બેન સોલંકી, હેતલ બેન પરમાર, વર્ષાબેન જાદવ, ભાનુબેન વાણિયા, દક્ષાબેન સોલંકી, વિભાબેન જાદવ તેમજ રાજપુત સમાજની દીકરી રીનાબા હાજર હતા.

રક્ષાબંધન નિમિત્તે જય ભીમ ફાઉન્ડેશનની બહેનો દ્વારા રાખડી બાંધી શુભકામનાઓ પાઠવનાર તમામ બહેનોનો બનાસકાંઠા જિલ્લા પોલીસવડા અક્ષય કુમાર મકવાણા આભાર વ્યક્ત કરી બહેનોના રક્ષણ માટે ની ખાતરી આપી ભાઈ બહેનના પવિત્ર પર્વની ઉજવણીને યાદગાર બનાવી હતી.

અહેવાલ યશપાલ સ્વામી