પાટણ ગામ રામજી મંદિર ખાતેથી રામ લક્ષ્મણ અને જાનકી ચાંદી મઢીત રથમાં બિરાજમાન થઈ નગર ચર્યાએ નીકળ્યા..

ભક્તોએ રામલલ્લા ની આરતી, પૂજન અને દર્શન કરી ધન્યતા અનુભવી..

પાટણ તા. 30
પાટણ શહેરના ગામ રામજી મંદિર ખાતેથી રામનવમી ના પવિત્ર દિવસે ભગવાન શ્રીરામ લક્ષ્મણ અને જાનકી ચાંદી મઢીત રથમાં બિરાજમાન થઈ પાટણ નગરની નગરચર્યાએ નીકળતા હજારો ભક્તોએ ભગવાન
ની આરતી,પૂજન અને દર્શન કરી ધન્યતા અનુભવી હતી.

પાટણ શહેરના છીંડિયા દરવાજા પાસે આવેલા ગામ રામજી મંદિરથી ભગવાન રામ લક્ષ્મણ અને જાનકી ભક્તોના જય જય કાર વચ્ચે રથમાં બિરાજમાન થયા હતા. બાદમાં ભગવાનની આતુભાઇ મહારાજ,
જિલ્લા પોલીસ વડા વિશાખા ડબરાલ,પાટણના ધારાસભ્ય ડો.કિરીટભાઈ પટેલ, જિલ્લા ભાજપ પ્રમુખ દશરથજી ઠાકોર,નગર પાલિકા પ્રમુખ સ્મિતાબેન પટેલ,વિહિપના કિર્તીભાઇ મહેતા, દેવદત્તભાઈ જૈન, બેબાભાઈ શેઠ, શહેર ભાજપ પ્રમુખ કિશોરભાઈ મહેશ્વરી, શહેર કોંગ્રેસ પ્રમુખ ભરતભાઈ ભાટિયા પાટણ નગરપાલિકાના કોર્પોરેટર મનોજ પટેલ, ગોપાલસિંહ રાજપુત, શૈલેષ પટેલ, દેવચંદભાઈ પટેલ, દીક્ષિત પટેલ, છાયાબેન રાવલ, નાગરિક બેંકમાં ચેરમેન સુરેશભાઈ પટેલ,ડોક્ટર જે કે પટેલ, પંચમુખી હનુમાન મંદિર ના ટ્રસ્ટી અરૂણભાઇ આચાર્ય સહિત સંતો મહંતો અને રાજકીય આગેવાનો સાથે પાટણના પ્રબુદ્ધ નગરજનો
એ આરતી ઉતારી ભક્તિ સભર માહોલ મા રથયાત્રા નું પ્રસ્થાન કરાવ્યું હતું.

પાટણમાં નીકળેલી ભગવાન શ્રી રામચંદ્રજીની 36મી શોભાયાત્રા બેન્ડવાજા ઢોલ-નગારા સાથે વાજતે ગાજતે ભગવાન રામજીની ધૂન અને સ્તુતિથી સાથે પ્રસ્થાન પામતા સમગ્ર વાતાવરણમાં ભક્તિમય માહોલ છવાયો હતો.
શોભાયાત્રામાં બ્રહ્મા કુમારી, શિશુમંદિર, જલારામ મંદીર સહિત ની સંસ્થાઓ સાથે ભગવાન શ્રીરામ,મહાદેવ,ધોડેસવાર,શિવાજી,રામ,લક્ષમણ,સીતા,હનુમાન,વાનર,શિવજી,ભારતમાતા સહિતના ધાર્મિક પાત્રોની ઝાંખીઓ તેમજ રાક્ષસ ટુકડીઓએ બાળકોને મનોરંજન પીરસ્યુ હતું.

રામજી ભગવાનની શોભાયાત્રા બજાર અને મહોલ્લા પોળો માથી પસાર થતા હજારો ભક્તોએ તેમના ઘર આંગણેથી ભગવાનનું પૂજન અને દર્શન કર્યા હતાં.

વિવિધ સેવાભાવી સંસ્થાઓ અને મંડળો દ્વારા ભક્તો માટે પાણી, શરબત, છાશ, નાસ્તો, સહિત ની સેવા કેમ્પો મારફતે સુવિધાઓ ઉપલબ્ધ બનાવી હતી.

શોભાયાત્રા રામજી મંદિર થી નીકળી અંબાજી મંદિર , હિગળાચાચર, ત્રણ દરવાજા, ગોળશેરી, ખાખરવાડો, નાગરલીમડી, સાલવીવાડો, મદારસા, ઝીણીપોળ,રસણીયાવાડો, વનાગવાડો,જુનાગંજ, ચતુર્ભુજ બાગ, બગવાડા થઈ નિજ મંદિરે પરત ફરશે.

પાટણ શહેરમાં રામનવમી નિમિત્તે ભગવાન શ્રી રામચંદ્રજીની 36 મી શોભાયાત્રા ને સફળ બનાવવા રામનવમી મહોત્સવ સમિતિ તેમજ વિશ્વ હિન્દુ પરિષદ પાટણ દ્વારા ભારે જહેમત ઉઠાવવામાં આવી હતી.