અઘાર ગામેથી વિદેશી દારૂ બિયર ના જથ્થા સાથે રૂ.૯.૫૬ લાખનો મુદામાલઝડપી પાડતી એલસીબી ટીમ..

દારૂ નો જથ્થો રાખનાર સહિત અન્ય બે શખ્સો સામે પ્રોહીબીશન નો ગુનો નોંધાયો..

પાટણ તા. ૨૭
પાટણ એલસીબી ની ટીમે બાતમીના આધારે સરસ્વતી તાલુકાના અઘાર ગામેથી વિદેશી દારૂ- બિયરના જથ્થા સાથે અન્ય મુદ્દા માલ મળી રૂ. ૯.૫૬ લાખનો મુદ્દામાલ પોલીસ હસ્તગત કરી દારૂ નો જથ્થો રાખનાર સહિત અન્ય બે શખ્સો સામે પ્રોહીબિશન નો ગુનો નોંધી તપાસના ચક્રો ગતિમાન બનાવ્યા હોવાનો જાણવા મળ્યું છે.

પાટણ જિલ્લા પોલીસ અધિક્ષક ડો.રવિન્દ્ર પટેલ દ્વારા પાટણ શહેર સહિત જીલ્લા માંથી પ્રોહી. લગતની ગે.કા.પ્રવૃતિ દુર કરવા કરેલ સુચના આધારે પાટણ એલસીબી ઇન્ચાર્જ પીઆઇ આર.એમ.પરમાર ના માર્ગદશન હેઠળ એલ.સી.બી. પોલીસ સ્ટાફના માણસો સાથે નાઇટ રાઉન્ડમાં સરસ્વતિ પોલીસ સ્ટેશન વિસ્તારમાં પ્રોહી, જુગાર ડ્રાઇવ લગત વોચ તપાસમાં હતા દરમ્યાન અ.પો.કોન્સ. જીતેન્દ્ર કુમાર ગોવિંદભાઇ એલ.સી.બી.પાટણ નાઓને ખાનગી રાહે બાતમી હકીકત મળેલ કે ઠાકોર (સોલંકી) માલસંગજી હમીરસંગ રહે અઘાર કુપાણી પાટી તા.સરસ્વતી જી.પાટણ વાળો પર પ્રાતીય ભારતીય બનાવટનો વિદેશી દારૂ બહારથી મંગાવી લાવી તેના ઘર આગળ તેની લાલ કલરની બ્રેઝા ગાડી મા મુકી સગે વગે કરનાર છે.

જે મતલબની હકિકત આધારે ટીમે ઓચિંતી રેડ કરતા સદરી ઇસમ ના ઘર આગળથી તથા બન્ને ગાડીઓ માંથી ભારતીય બનાવટના વિદેશી દારૂ તથા બીયરનીકુલ બોટલ,ટીન નંગ-૫૨૮જેની કુલ કિંમત રૂ.૫૬,૯૨૮ તથા હોન્ડા કંપનીની ગાડી કિં.રૂ.૩,૦૦,૦૦૦ અને બ્રેઝા ગાડીકિ.રૂ.૬,૦,૦૦૦ મળી કુલ કિંમત રૂ.૯,૫૬,૯૨૮/- ના મુદ્દામાલ પોલીસ હસ્તગત કરી રેઇડ દરમ્યાન અંધારા નો લાભ લઇ નાશી ગયેલ સોલંકી માલસંગ હમીરસંગ રહે અઘાર કુપાણી પાટી તા.સરસ્વતી જી.પાટણ તથા બે અજાણ્યા ઇસમો સામે સરસ્વતી પોલીસ સ્ટેશનમાં પ્રોહિબિશનનો ગુનો નથી તપાસના ચક્રો ગતિમાન બનાવ્યા હોવાનું જાણવા મળ્યું છે.

અહેવાલ યશપાલ સ્વામી