પાટણના નિલેશ રાજગોર ની પયૉવરણ પ્રત્યે નીઉત્કૃષ્ટ કામગીરી ને ગુજરાત સરકારે સરાહી..

ક્લાયમેટ ચેંજ એવોર્ડ અને એક લાખ રોકડ પુરસ્કાર થી નવાજ્વામા આવ્યાં..

એક લાખ રૂપિયા નું રોકડ પુરસ્કાર નોરતા ગામના મહાકાળી પીપળવનમાં અર્પણ કરવામાં આવ્યું..

પાટણ તા. ૧૧
ગાંધીનગર સ્વર્ણિમ સંકુલ ખાતે ગુજરાત સરકાર દ્વારા પર્યાવરણ જાગૃતિ અને ક્લાયમેટ ચેંજ ક્ષેત્રે કરેલ ઉત્કૃષ્ટ કામગીરી માટે ક્લાયમેટ ચેંજ એવોર્ડ 2021 -22 નું આયોજન કરવામાં આવ્યું હતું જેમાં સમગ્ર ગુજરાત માંથી પર્યાવરણ ક્ષેત્રે સારુ કાર્ય કરતા પાટણના કુણઘેર ગામના વતની નિલેશ રાજગોરને રૂ. એક લાખ રોકડ પુરસ્કાર અને ક્લાય મેટચેંજ એવોર્ડ થી ગુજરાત રાજ્યના પર્યાવરણ મંત્રી મુળુભાઈ બેરાના વરદ હસ્તે એનાયત કરવામાં આવ્યો હતો.

રોકડ પુરસ્કાર નિલેશ રાજગોર દ્વારા આર્યાવ્રત નિર્માણ પ્રેરિત લોકભાગીદારીથી પાટણના નોરતા ગામે બની રહેલ ગુજરાતના સૌથી મોટા પીપળવન મહાકાળી પીપળવન ઓક્સિજન પાર્ક માં અર્પણ કરવામાં આવ્યો હતો.આ એવોર્ડ કાર્યક્રમ મા કેબિનેટ મંત્રી મુળુભાઈ બેરા,રાજ્યકક્ષાના મંત્રી મુકેશભાઈ પટેલ સહીત સચિવશ્રીઓએ કલાયમેટ ચેંજ અને ગ્લોબલ વોર્મિંગથી બચવા પર્યાવરણ જાળવણી વિષે વિસ્તૃત વાતો જણાવી હતી.ક્લાયમેટ ચેંજ એવોર્ડ વિજેતા નિલેશ રાજગોર દ્વારા મંત્રીઓ સહીત સમગ્ર ગુજરાત માંથી આવેલ પર્યાવરણવિદોને પ્રકૃતિના સંરક્ષણ અને સંવર્ધન દ્વારા રાષ્ટ્રને બળવાન બનાવવા ગ્રીન કમાન્ડો ના સંકલ્પ લેવડાવવામાં આવ્યા હતા.

અહેવાલ યશપાલ સ્વામી