સદારામ ક્ષત્રિય પ્રીમિયર લીગ ના આયોજકોએ ડો. વી.એમ.શાહ ના સહકાર બદલ આભાર વ્યક્ત કર્યો
પાટણ તા. ૧૧
પાટણ શહેર સમીપ આવેલા ગોલાપુર ક્રિકેટ ગ્રાઉન્ડ ખાતે સદારામ ક્ષત્રિય પ્રીમિયર લીગ પાટણ દ્રારા આયોજિત કરવામાં આવેલ ક્રિકેટ ટુર્નામેન્ટ સિઝન-2 ની તમામ ટ્રોફીના દાતા તરીકે પાટણના જાણીતા ગાયનેક તબીબ અને અનેકવિધ સેવાકીય, સામાજિક અને શૈક્ષણિક સંસ્થાઓ સાથે સંકળાઈ તન, મન અને ધનથી સહયોગી બનતા અવની હોસ્પિટલ ના ડો. વ્યોમેશ શાહ યજમાન બનતા સદારામ ક્ષત્રિય પ્રિમિયર લીગ ક્રિકેટ ટુનૉમેન્ટ ના આયોજકો રમેશભાઈ,પ્રકાશભાઈ, ભરતસિંહ અજયભાઈ અને સંજય ભાઈ સહિતનાઓએ ડો. વી.એમ.શાહ નો આભાર વ્યક્ત કર્યો હતો અને ભવિષ્યમાં પણ તેઓના તરફથી રમત ગમત ક્ષેત્રમાં સહકાર મળતો રહશે તેવી અભિલાષા વ્યકત કરી હતી.
સદારામ ક્ષત્રિય પ્રીમિયર લીગ ક્રિકેટ ટુનૉમેન્ટ સીઝન-2 નું આયોજન કરનાર આયોજકો એ જણાવ્યું હતું કે આ ટુર્નામેન્ટનો હેતુ ફકત સમાજના યુવા ખેલાડીઓને ક્રિકેટ ક્ષેત્રમાં કારકિર્દી બનાવવા અને તેઓના ક્રિકેટ ટેલેન્ટને બહાર લાવવાનો અને સમાજ ના એક-બીજા ખેલાડીઓ પોતાનાથી પરિચિત થાય તે રહેલો હોવાનું જણાવ્યું હતું..ડો. વ્યોમેશ શાહે પોતાનો આભાર પ્રગટ કરવા આવેલા સદારામ ક્ષત્રિય પ્રિમિયર લીગ ક્રિકેટ ટુનૉમેન્ટ સીઝન-2 ના આયોજકો ને ટુનૉમેન્ટ ની સફળતા માટે શુભકામના
ઓ પાઠવી હતી.
અહેવાલ યશપાલ સ્વામી
