2073 મતદાન મથકો પર 20,19,916 મતદારો કરશે તા. 7 મે ના રોજ મતદાન….
મતદાનના દિવસે 8,720 નો સ્ટાફ મતદાન મથક પર રહેશે કાર્યરત….
અશક્ત મતદારોને વ્હિલચેરની સાથે એક વોલન્ટિયરની વ્યવસ્થા કરાઈ…
હિટ વેવ સામે રક્ષણ મેળવવા માટે મતદાન મથકો પર ORS ની વ્યવસ્થા કરાઈ…
પાટણ તા. ૬
પાટણ જિલ્લા લોકસભા સામાન્ય ચૂંટણી-2024 ની તૈયારીઓને આખરી ઓપ અપાઈ રહ્યો છે. મતદાનને હવે ગણતરીના કલાકો બાકી રહ્યા છે ત્યારે પાટણ જિલ્લા વહીવટીતંત્ર દ્વારા સંપુર્ણ તૈયારીઓ કરી દેવામાં આવી છે. જિલ્લામાં કુલ 2073 મતદાન મથકો પર પોલીસ થી લઈને વિવિધ સ્ટાફ તૈનાત રહેશે અને ચૂંટણી ની કામગીરીમાં સહભાગી બનશે. જિલ્લામાં કુલ 8720 નો સ્ટાફ મતદાનના દિવસે મતદાન મથકો પર ખડેપગે તૈનાત રહેશે. શાંતિપૂર્ણ માહોલમાં મતદાનની પ્રક્રિયા પૂર્ણ થાય અને કાયદો અને વ્યવસ્થાની પરિસ્થિતી જળવાઈ રહે તે માટે જિલ્લા ચૂંટણીતંત્ર કટીબદ્ધ છે.
પાટણ જિલ્લા લોકસભા બેઠકો પર તા.7 મેં ના રોજ મતદાન થવાનું છે. જિલ્લા ચૂંટણીતંત્ર દ્વારા મતદાન ની પ્રક્રિયા સંપૂર્ણ નિર્ભિક અને ન્યાયી વાતા વરણમાં સંપન્ન થાય તે માટે તમામ તૈયારીઓ કરી દેવામાં આવી છે. 11-વડગામ વિધાનસભા મત વિભાગ પર કુલ 301 મતદાન મથકો કાર્યરત રહેશે જ્યાં 1328 જેટલો સ્ટાફ કાર્યરત રહેશે, જે સમગ્ર મતદાનની પ્રક્રિયા શાંતિપૂર્ણ માહોલમાં સંપન્ન થાય તે માટે કાર્ય કરશે. 15-કાંકરેજ વિધાનસભા બેઠક પર કુલ 297 મતદાન મથકો કાર્યરત રહેશે. જ્યાં મતદાન મથકો પર કુલ 1297 જેટલો સ્ટાફ મતદાનની પ્રક્રિયા સાથે જોડાશે.
જિલ્લાની 16-રાધનપુર વિધાનસભા બેઠક પર કુલ 325 મતદાન મથકો પર 1324 જેટલો સ્ટાફ તૈનાત રહેશે. તો આ તરફ 17-ચાણસ્મા વિધાનસભા બેઠક પર કુલ 316 મતદાન મથકો રહેશે જેમાં 1290 ની સંખ્યામાં સ્ટાફ ફરજ પર હાજર રહેશે.18-પાટણ વિધાનસભા બેઠક પર કુલ 308 મતદાન મથકો કાર્યરત રહેશે. જ્યાં 1333 અધિકારીઓ અને કર્મચારીઓનો સ્ટાફ કાર્યરત રહેશે. તો આ તરફ 19-સિદ્ધપુર વિધાન સભા બેઠક પર કુલ 271 જેટલા પોલીંગ સ્ટેશન કાર્યરત રહેશે જેમાં 1128 જેટલો સ્ટાફ અને 20-ખેરાલુ બેઠક પર 255 મતદાન મથકો પર 1020 નો સ્ટાફ કાર્યરત રહીને ચૂંટણીની કામગીરી શાંતિપૂર્ણ માહોલમાં સંપન્ન થાય તે સુનિશ્ચિત કરશે.
પાટણ જિલ્લામાં કુલ 2073 મતદાન મથકો કાર્યરત રહેશે. જેમાં દિવ્યાંગો તેમજ શારિરીક રીતે અશક્ત અને વયોવૃદ્ધ લોકો માટે પણ અલગથી વ્યવસ્થા ઊભી કરવામાં આવી છે. જિલ્લામાં દરેક વિધાનસભા મતવિસ્તાર દીઠ એક એમ કુલ સાત મતદાન મથકો ખાસ દિવ્યાંગ મતદારો માટે ઉભા કરવામાં આવ્યા છે. તદઉપરાંત 49 સખી મતદાન મથક, 1 યુવા મતદાન મથક અને 7 મોડલ મતદાન મથક ઉભા કરવામાં આવેલ છે. પાટણ સંસદીય મતદાર વિભાગમાં સમાવિષ્ટ 7 વિધાનસભા મતદાર વિભાગના કુલ 2073 મતદાન મથકો પૈકી 993 ઉપર વેબ કાસ્ટીંગ કરવામાં આવશે. જેમાં તમામ જોખમી (critical) મતદાન મથકોનો સમાવેશ કરી લેવામાં આવેલ છે.
મતદાનને હવે ગણતરીના કલાકો જ બાકી રહ્યા છે. જિલ્લા ચૂંટણીતંત્રની સાથે વિવિધ ટીમો પણ ચૂંટણી
લક્ષી કામગીરીમાં દિવસ-રાત કામગીરી કરી રહી છે. મતદાનના દિવસે કાયદો અને વ્યવસ્થાની પરિસ્થિતી જળવાઈ રહે, કોઈ અવ્યવસ્થા ન સર્જાય, મતદારો માટે પૂરતી વ્યવસ્થા ગોઠવવામાં આવે તે માટે જિલ્લા ચૂંટણી અધિકારી અને કલેક્ટર અરવિંદ વિજયનના માર્ગદર્શન હેઠળ વિવિધ ટીમો સતત કામગીરી કરી રહી છે.
દિવ્યાંગ મતદારો જેઓ 40 ટકા થી વધુ દિવ્યાંગ હોય અને વરિષ્ઠ મતદારોને વ્હીલચેર, વાહન તથા વોલન્ટિયર વગેરેની સુવિધાઓ પૂરી પડાશે,દિવ્યચક્ષુ મતદારોને બ્રેઈલલીપીની સગવડ અપાશે, તમામ મતદાન મથકો ખાતે AMF ઉપલબ્ધ છે, દિવ્યાંગ મતદારોની સહાયતા માટે વોલ્નટીયર તરીકે કુલ 796 મતદાન મથક લોકેશન દીઠ 2 વોલ્નટીયર એમ કુલ 1592 વોલ્નટીયરની નિમણૂક કરવામાં આવેલ છે, જિલ્લામાં 695 વ્હિલચેરની ઓળખ કરવામાં આવેલ છે,
આમ મતદાન મથક પર વ્હીલચેર મુકાશે,દરેક વિધાનસભા મતદાર વિભાગ દીઠ એક મતદાન સહાયક વાન મુકવામાં આવશે આ વાન સક્ષમ એપ મારફતે વ્હિલચેરની માંગ મળતા સત્વરે તે મતદાન મથક ખાતે પહોંચાડવામાં આવશે, દિવ્યાંગ તેમજ 85 વર્ષથી વધુ મયના મતદારોની સરળતા માટે ફ્રી ટ્રાન્પોર્ટે શનની વ્યવસ્થા કરવામાં આવી છે, જેમાં 26-RBSK વાહન અને સ્ટાફની નિમણૂક કરાઈ છે.જે મતદાન મથકોમાં શેડ ના આવેલ હોય તેવા કુલ 179 મતદાન મથકો ખાતે મતદાનના દિવસે મંડપની વ્યવસ્થા કરવા માં આવશે.
દરેક PS ઉપર ઠંડા પીવાના પાણીની પુરતા પ્રમાણમાં વ્યવસ્થા કરવામાં આવશે. ORS ની વ્યવસ્થા/દરેક PS ઉપર મેડીકલ કીટની વ્યવસ્થા કરવામાં આવશે.દરેક સેકટર રૂટ દીઠ મેડીકલ ટીમ ની રચના કરવામાં આવેલ છે. જે તમામ પ્રકારની પ્રાથમિક સારવાની સુવિધા પુરી પાડશે.
અહેવાલ યશપાલ શ્યામી
