અયોધ્યા માં ભગવાન શ્રી રામચંદ્રજીની પુનઃ પ્રતિષ્ઠા મહોત્સવની ઉજવણીને અનુરૂપ શ્રી પદ્મનાભ મંદિર પરિસર ખાતે પંચદિવસીય ધાર્મિક ઉત્સવ ઉજવાયા..

પાટણ તા. ૨૩
અયોધ્યા ઉત્સવને લઈને પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભજીના મંદિર પરિસર ખાતે પણ મંદિર ટ્રસ્ટ સહિત પ્રજાપતિ સમાજના વિવિધ સંગઠનો દ્વારા પંચ દિવસીય ધાર્મિક ઉત્સવો ઉજવવામાં આવ્યા હતા.

જેમાં તા. 18 જાન્યુઆરી થી તા. 22 જાન્યુઆરી દરમિયાન મંદિર પરિસરમાં સફાઈ અભિયાન,ભજન સંધ્યા, મંદિર પરિસરની રોશની, મહા પૂજા,આરતી અને ભગવાન શ્રી રામ ની રંગોળી સાથે સમૂહ પ્રસાદ નું આયોજન કરવામાં આવ્યું હતું.

ભગવાન શ્રી રામચંદ્રજીની પુનઃ પ્રાણ પ્રતિષ્ઠા મહોત્સવની ઉજવણી ને અનુલક્ષીને શ્રી પદ્મનાભ ભગવાન ના મંદિર પરિસર ખાતે આયોજિત આ પંચ દિવસીય ધામિર્ક ઉત્સવો નો પ્રજાપતિ સમાજના પરિવારજનો સહિત અઢારે વણૅના લોકોએ દશૅન પ્રસાદનો લાભ લઈ ધન્યતા અનુભવી હતી.

આ ધામિર્ક પ્રસંગોને સફળ બનાવવા મંદિર ટ્રસ્ટના ટ્રસ્ટીઓ સહિત પ્રજાપતિ સમાજના વિવિધ સંગઠનો અને સમાજ યુવાનો દ્વારા સુંદર આયોજન સાથે જહેમત ઉઠાવી પ્રસંગોને દિપાવવામા આવ્યાં હતાં.

અહેવાલ યશપાલ સ્વામી