ગત વષૅની સરખામણીએ કપાસની આવક ધટી : તો રાયડાની આવકમાં વધારો જોવા મળ્યો..
બુધવાર થી રાજગરાની આવક શરૂ થશે : ચેરમેન..
પાટણ તા. 30
ગતવર્ષની સરખામણી એ ચાલું વર્ષે પાટણ એપીએમસી ખાતે કપાસની આવકમાં બદલાયેલા કમોસમી વાતા વરણ ની અસર જોવા મળી રહી હોય હાલમાં એપીએમસી ખાતે કપાસની 3300 થી 3500 મણની સરેરાશ આવક ની સાથે રૂ. 5000 થી રૂ. 6900 સુધી રહેવા પામ્યો હોવાનું પાટણ એપીએમસી ના ચેરમેન સ્નેહલ ભાઈ પટેલે જણાવ્યું હતું.
પાટણ એપીએમસી ખાતે ખેત ઉત્પાદનની ખુલ્લી હરાજી, ખુલ્લો તોલ અને રોકડ નાણાં મળતાં હોવાના કારણે પાટણ જિલ્લા સહિત આજુબાજુના જિલ્લાના લોકો પણ પોતાના ખેત ઉત્પાદનનું વેચાણ કરવા પાટણ એ પી એમ સી ખાતે પોતાના માલનું વેચાણ કરવા આવતા હોય છે.ત્યારે હાલમાં પાટણ એપી એમ સી ખાતે મહત્તમ કપાસ,એરંડા અને રાયડાની આવક ચાલુ છે તો આવતી કાલ થી રાજગરાની આવક શરૂ થનાર છે.
પાટણ એપીએમસી ખાતે ગત વર્ષની સરખામણીએ ચાલુ વર્ષે વાતાવરણના બદલાવ ના કારણે કપાસ ની આવક માં ઘટાડો જોવા મળ્યો છે તો ભાવ ગતવર્ષ જેટલો રહેવા પામ્યો છે. હાલમાં એપીએમસી ખાતે કપાસ રોજ નો 3300 થી 3500 મણ આવે છે તો ભાવ પણ રૂ. 5000 થી 6900 સુધી મળી રહ્યો છે.
તો કપાસ ની સાથે સાથે હાલમાં એપીએમસી ખાતે એરંડા, રાયડાની પણ આવક ચાલુ હોય ત્યારે તા. 1 એપ્રિલ થી તા. 29 જાન્યુઆરી ના સમય દરમ્યાન રાયડાની 2,16,831 બોરી અને એરંડા ની11, 30,639 બોરી આવક સાથે કપાસ 11,06,734 મણ ની આવક થઈ હોવાનું ચેરમેન સ્નેહલ ભાઈ પટેલે જણાવ્યું હતું. તો આવતી કાલથી રાજગરાની આવક શરૂ થનાર હોવાનું જણાવ્યું હતું.
અહેવાલ યશપાલ સ્વામી
