પાટણ તા. ૯
પાટણ શહેરના ગોળ શેરી વિસ્તારમાં વર્ષોથી શિક્ષણ ક્ષેત્રે જરૂરિયાતમંદ પરિવારના બાળકોને શિક્ષણ આપતી નૂતન વિનય મંદિર ઉચ્ચતર માધ્યમિક શાળાનું માર્ચ 2024 નું ધોરણ 12 સામાન્ય પ્રવાહમાં ઝળ હળતું પરિણામ પ્રાપ્ત કર્યું છે. ગરીબ અને મધ્યમ વર્ગના પરિવારના વિદ્યાર્થીઓ કે જેમની પાસે ટ્યુશનના પણ પૈસા નથી હોતા તેવા વિદ્યાર્થીઓ અને વિદ્યાર્થી નીઓ આ શાળામાં અભ્યાસ કરે છે અને શાળાના શિક્ષકો પોતાના સ્વ ખર્ચથી આવા વિધાર્થીઓને ભણાવી આજના શૈક્ષણિક જગતમાં શાળાના વિદ્યાર્થી ઓ ખૂબ સારી એવી ટકાવારી લાવીને શાળા પરિવારનું ગૌરવ વધારી રહ્યા છે ત્યારે આવા વિધાર્થીઓના મા-બાપને શાળા પરિવાર અભિનંદન એટલા માટે પાઠવે છે કે તેઓ પોતાના બાળકોને નિયમિત સ્કૂલે મોકલે છે અને શાળાના શિક્ષકો પણ જરૂર પડે ત્યારે રૂબરૂ વિધાર્થીઓને અને તેમના વાલીઓને મળવા બોલાવતાં હોય છે અને તેઓની શૈક્ષણિક પ્રકારની કોઈપણ જાતની જરૂરિયાત આ સંસ્થા પૂરી પાડે છે. આવા સમયે શાળાના વિદ્યાર્થીઓએ ચાલુ સાલે ધો.12 સામાન્ય પ્રવાહ મા ઝળહળતો સિધ્ધી હાંસલ કરી શાળાને ગૌરવ અપાવતા વિધાર્થીઓને શાળાના સંચાલક દેવજીભાઈ પરમાર સહિત સમગ્ર શાળા પરિવારે અભિનંદન સાથે તેઓની ઉજજવળ કારકિર્દી માટે આશીર્વાદ પાઠવ્યા હતાં.
અહેવાલ યશપાલ શ્યામી
