પાટણ જીમખાના ગ્રાઉન્ડ ખાતે પાટણ જિલ્લા પોલીસ ટીમ અને જીમખાના ટીમ વચ્ચે ફ્રેન્ડલી મેચ રમાઈ..

મેચ પૂર્વે જિલ્લા પોલીસવડા નું જીમખાના ક્રિકેટ એસોસિએશન દ્વારા સન્માન કરાયું..

જીમખાના ક્રિકેટ ટીમને હરાવી પાટણ જિલ્લા પોલીસ ટીમ વિજેતા બની…

પાટણ તા. ૩
પાટણ નગરપાલીકા સંચાલીત મ.ક.જીમખાના ક્રિકેટ ગ્રાઉન્ડ ખાતે શનિવારે પાટણ જિલ્લા પોલીસ ટીમ અને મ. ક. જીમખાના ટીમ વચ્ચે ફ્રેન્ડલી મેચનું આયોજન કરવામાં આવ્યું હતું.પાટણ જીમખાના મેદાન ખાતે આયોજિત ૩૦ ઓવર ની આ મેચમાં પોલીસ ટીમનું નેતૃત્વ પાટણ જિલ્લા પોલીસ અધિક્ષક ડો. રવિન્દ્ર પટેલ એ કર્યું હતું અને મ. ક.જીમખાના ટીમનું નેતૃત્વ મહામંત્રી પ્રશાંતભાઈ રાવલ દ્રારા કરવામાં આવ્યું હતું.

જીમખાના મેદાન ખાતે આયોજિત આ મેચમાં પાટણ જિલ્લા પોલીસ ટીમ વિજેતા બની હતી.જીમ ખાના મેદાન ખાતે મેચ પૂર્વે પાટણ જિલ્લા પોલીસ વડા ડો.રવિન્દ્ર પટેલનું જીમખાના ક્રિકેટ એસોસિયેશનના મહા મંત્રી પ્રશાંતભાઈ રાવલ,સેક્રેટરી ચિંતન પ્રજાપતિ ,મનોજ પટેલ સહિતના સભ્યો દ્વારા પુષ્પ ગુચ્છ અને શાલ આપી સન્માનિત કરવામાં આવ્યા હતાં.

અહેવાલ યશપાલ સ્વામી