પાટણ સાયન્સ સેન્ટર ખાતે વિશ્વ કેન્સર દિન નિમિત્તે જાગૃતિ કાર્યક્રમ યોજાયો..

પાટણ તા. ૪
ગુજરાત સરકારના વિજ્ઞાન અને પ્રોદ્યોગિકી વિભાગના નેજા હેઠળ કાર્યરત ગુજકોસ્ટ દ્વારા સ્થાપિત પાટણના રિજીયોનલ સાયન્સ સેન્ટર ખાતે 4 ફેબ્રુઆરી 2024 ના રોજ વિશ્વ કેન્સર દિન નિમિત્તે જાગૃતિ કાર્યક્રમ સાથે ડીએનએ પર વર્કશોપ અને સાયન્ટિફિક-શો નું આયોજન કરવામાં આવ્યું હતું. જેમાં 400 થી વધુ વિદ્યાર્થીઓ, શિક્ષકો અને જાહેર જનતાએ ભાગ લીધો હતો.

આ પ્રસંગે નિષ્ણાત ગાઈડ દ્વારા ઇંટરેએકટીવ મોડેલ અને સાયન્ટિફિક-શોના માધ્યમથી ડીએનએ ના માળખા અને તેના મહત્વ વિશે સહભાગીઓનું નિદર્શન કરવામાં આવ્યું હતું. સાયન્સ સેન્ટરના પ્રોજેકટ ડાયરેક્ટર ડો. સુમિત શાસ્ત્રીએ જણાવ્યું હતું કે વિશ્વ કેન્સર દિનનો ઉદ્દેશ્ય કેન્સર વિશે જાગૃતિ વધારીને અને વિશ્વભરની સરકારો અને વ્યક્તિઓ પર આ રોગ સામે પગલાં લેવા દબાણ કરીને દર વર્ષે લાખો લોકો ના મૃત્યુને અટકાવવાનો હોવાનું જણાવ્યું હતું.

અહેવાલ યશપાલ સ્વામી