પાટણ ના સુજનીપુર- સુયૉનગર માગૅ પર થી કપડાં મા વેટેલી માસુમ બાળકી મળી આવતા ચકચાર મચી..

ધટના સ્થળે લોકો ટોળે વળ્યાં : 181 હેલ્પ લાઈન અને 108 ને જાણ કરતાં માસુમ બાળકી ને સારવાર અર્થે સિવિલ હોસ્પિટલમાં ખસેડવામાં આવી..

રસ્તા પર માસુમ બાળકી ને રઝળતી મુકનાર સામે લોકોએ ફિટકાર વરસાવી રોષ વ્યક્ત કર્યો..

પાટણ તા. ૫
પાટણ સુજનીપુર રોડ પર સુર્યાનગર પાસે ક્રિષ્ના નગર સોસાયટી ના દરવાજા ની સામે ના રોડ સાઈડમાં કપડાં મા વટેલી જીવીત માસુમ બાળકી મળી આવતાં ધટના સ્થળે લોકો ટોળે વળ્યાં હતાં અને બનાવની જાણ 181 હેલ્પ લાઈન અને 108 એમ્બ્યુલન્સ ને કરાતા તેઓએ તાત્કાલિક ધટના સ્થળે દોડી આવી બાળકી ને પ્રાથમિક સારવાર અર્થે પાટણ સિવિલ હોસ્પિટલમાં ખસેડવામાં આવી હોવાનું જાણવા મળ્યું છે.

બનાવની મળતી હકીકત મુજબ સોમવારે સવારે 8-00 કલાક ના સુમારે પાટણ શહેરના સુજનીપુર સબ જેલ જવાના માર્ગ પર આવેલ ક્રિષ્ના નગર સોસાયટી ના પ્રવેશ દ્વાર સામે ના માગૅ ની સાઈડમાં પસાર થઇ રહેલા અને આ વિસ્તારમાં જ ખેતર ધરાવતા ખેડૂત ને રોડની સાઈડમાં કપડાં મા વટેલ માસુમ બાળકી જોવા મળતા ખેડૂતે આ બાબતની જાણ તેઓની બહેન સહિત વિસ્તારના લોકો ને કરતાં ધટના સ્થળે લોકો ટોળે વળ્યાં હતાં

અને બનાવની જાણ 181 હેલ્પ લાઈન અને 108 ને કરતાં પાયલોટ અને ઈ એમ ટી તાત્કાલિક 108 સાથે ધટના સ્થળે દોડી આવ્યા હતા અને માસુમ બાળકી ને પ્રાથમિક સારવાર અર્થે સિવિલ હોસ્પિટલમાં ખસેડવામાં આવી હતી.

અને બનાવની જાણ બાળ સુરક્ષા કચેરીમાં કરી હતી.શહેરના સુજનીપુર સબજેલ જવાના માર્ગ પર ક્રિષ્ના નગર સોસાયટીના પ્રવેશ દ્વાર સામે થી મળી આવેલ માસુમ બાળકી હાલ સ્વસ્થ હોવાનું જાણવા મળ્યું છે જોકે માસુમ બાળકી ને રસ્તે રઝળતી મુકી પોતાનું પાપ સંકેલવા ધટના ને અંજામ આપનાર સામે લોકોમાં ફિટકાર ની લાગણી સાથે રોષ જોવા મળ્યો હતો.

અહેવાલ યશપાલ સ્વામી