પાટણ એન્જોય ગ્રુપ દ્વારા આનંદેશ્વર મહાદેવ ખાતે સ્નેહ મિલન સમારંભ યોજાયો..

ગૃપ ના સભ્યો સહિત પરિવારજનોએ મોજ મસ્તી સાથે આનંદ માણ્યો..

પાટણ.તા.૫
પાટણમાં ચાલતી એન્જોય ગ્રુપ દ્વારા રવિવારે શહેરના આનંદેશ્વર મહાદેવ ખાતે સ્નેહ મિલન કાર્યક્રમ નુ સુંદર આયોજન કરવામાં આવ્યું હતુ.આ પ્રસંગે એન્જોય ગ્રુપના તમામ સભ્યો ફેમિલી સાથે ભેગા થઈ આનંદેશ્વર મહાદેવ મંદિર પરિસર ખાતે મોજ મસ્તી સાથે કાઠીયાવાડી ભોજનનો આનંદ માણ્યો હતો અને નવા વર્ષની તમામ સભ્યો એ એકબીજા ને શુભેચ્છા પાઠવી હતી.

આ પ્રસંગે એન્જોય ગ્રુપના સભ્ય મુકેશભાઈ જે.પટેલ કે જેવો નગરપાલિકાના કારોબારી ચેરમેન બનતા તેઓનું એન્જોય ગ્રુપ દ્વારા સન્માન કરવામાં આવ્યું હતું અને એન્જોય ગ્રુપના ઝેડ.એન.સોઢા કે જેઓ એક્સપરિમેન્ટલ સ્કૂલના ઇન્ચાર્જ આચાર્ય બનવા બદલ તેઓને પણ સન્માનિત કરવામાં આવ્યા હતા. જયારે બિલ્ડર એસોસીએશનના રાજુભાઈ દેસાઈ મંત્રી બનવા બદલ તેઓ નું પણ સન્માન કરવામાં આવ્યું હતું.

આ સ્નેહ મિલન પ્રસંગે ઉપસ્થિત પાટણ શહેર ભાજપના પ્રમુખ કિશોર ભાઈ મહેશ્વરી એન્જોય ગ્રુપના સભ્ય બનતા તેઓને આવકારવામાં આવ્યા હતાઆ પ્રસંગે મીડિયા સાથે જોડાયેલા એન્જોય ગ્રુપના સભ્ય મનીષભાઈ ખમાર,નિમેષભાઈ ગોલે અને સતિષભાઈ સ્વામીનું એન્જોય ગ્રુપ દ્વારા સન્માનિત કયૉ હતા.

આ પ્રસંગે મુકેશભાઈ જે પટેલ, ઝેડ.એન.સોઢા,રાજુભાઈ દેસાઈ, કિશોરભાઈ મહેશ્વરીએ પોતાના વિચારો વ્યક્ત કર્યા હતા અને આ સ્નેહમિલન સમારંભમાં ઉપસ્થિત સર્વને શુભેચ્છાઓ પાઠવી હતી.આ પ્રસંગે એન્જોય ગ્રુપના પ્રમુખ વિનોદભાઈ સુથાર દ્વારા આવેલ તમામ સભ્યોનું શાબ્દિક સ્વાગત કરી આવકાર્યા હતા.

મંત્રી મહાદેવભાઇ મહેશ્વરી, સહામંત્રી મહેશભાઈ મોદી તથા એન્જોય ગ્રુપ ફેમિલી ખાસ હાજર રહી મોજ મસ્તી સાથે કાઠીયાવાડી ભોજન ની લિજ્જત માણી કાર્યક્રમને યાદગાર બનાવ્યો હતો.સ્નેહ મિલન કાર્યક્રમ ને સફળ સંચાલન જયરામભાઈ પટેલ સહિત ની ટીમે જહેમત ઉઠાવી હતી.

અહેવાલ યશપાલ સ્વામી