શ્રીમંત ફતેહસિંહરાવ લાઇબ્રેરીમાં એડવાન્સ બ્યુટી પાર્લર ના કોર્ષ દ્વારા ૨૫ બહેનો આત્મનિર્ભર બની…

પાટણ તા. ૬
પાટણની ઐતિહાસિક અને ગુજરાતની વિશિષ્ટ લાઈબ્રેરીમાં સ્થાન પામેલી શ્રીમંત ફતેહસિંહરાવ લાઈબ્રેરી દ્વારા સમર્પણ સેવાના પ્રમુખ મેહુલભાઈ પટેલના સહયોગથી માસીક રૂા.૧૦૦૦ના રાહતદરે સંપૂર્ણ સામગ્રી સંસ્થા દ્વારા પુરી પાડી બહેનોને પધ્ધતિસરનું એડવાન્સ બ્યુટીપાર્લરની ટ્રેનીંગ ૧૬ વર્ષના અનુભવી એવા શ્રીમતી નીકીતાબેન સચિનભાઈ લિંમ્બાચીયાના માર્ગદર્શન નીચે રોજ બપોરે ૨ થી ૪ સુધી આપવામાં આવી હતી. આ કાર્યમાં બહેનો તમામ પ્રકારની હેરસ્ટાઈલ, કલાયન્ટ મેનેજમેન્ટ,સ્કીન મેનેજ મેન્ટ , ફેસીયલ, હલ્દી મેકઅપ, એંગેજમેન્ટ મેક અપ, રીસેપ્શન મેકઅપ, બ્રાઈડલ મેકઅપ વિગેરે શીખવવા માં આવ્યુ હતું. આ કોર્ષમાં કુલ ૨૫ બહેનો તાલીમ મેળવી આત્મનિર્ભર બનતા લાઇબ્રેરી પરિવાર અને ગુરુ નો બહેનો એ આભાર વ્યકત કર્યો હતો.

આ કલાસના સમાપન પ્રસંગે સંસ્થાના પ્રમુખ દ્વારા તમામ બહેનોને ભવિષ્યમાં કેવી રીતે કામ કરવું તેમજ ગ્રાહક મેનેજમેન્ટમાં ધ્યાન રાખવું તેવા સલાહ સૂચન આપી સાથ સહકારની ખાત્રી આપવામાં આવી હતી. આ પ્રસંગે લાઈબ્રેરી ના સુનીલભાઈ પાગેદાર, સુરેશભાઈ દેશમુખ, રાજેશભાઈ પરીખ, અશ્વિનભાઈ નાયક, હસુભાઈ સોની વિગેરેએ પ્રાસંગિક પ્રવચનો કર્યા હતા. આભારવિધી મંત્રી મહાસુખભાઈ મોદીએ કરી હતી અને બહેનોને ઉજજવળ ભવિષ્યની શુભકામનાઓ પાઠવી હતી.

અહેવાલ યશપાલ સ્વામી