પાટણ તા. ૭
પાટણ તાલુકા અને સમી ખાતે ચાલતી મોબાઈલ મેડિકલ યુનિટ ની 108 ઈમરજન્સી હેલ્થ સર્વિસ દ્વારા ગુરૂવાર ના રોજ શાળા આરોગ્ય તપાસણી કાર્યક્રમ આયોજિત કરવામાં આવ્યો હતો. શાળા આરોગ્ય તપાસણી કાર્યક્રમ અંતર્ગત બાળકોને આરોગ્ય ને લગતી માહિતી પ્રદાન કરવામાં આવી હતી તો વિદ્યાર્થી નીઓને કિશોરી અવસ્થામાં થતા બદલાવ અને તેઓને લગતી આરોગ્ય લક્ષી જાણકારી પૂરી પાડવામાં આવી હતી.
સાથે સાથે છેલ્લા નવ વર્ષથી મોબાઇલ મેડિકલ યુનિટ દ્વારા તાલુકાના ગામે ગામ જઈને અપાતી આરોગ્ય ની સારવાર થી પણ સૌને વાકેફ કરવામાં આવ્યાં હતાં. શાળા આરોગ્ય તપાસણી કાર્યક્રમ માં નેહા વઢીયારી , ખુશ્બુ સોલંકી, ડો.ધાનીયર, અજય સોલંકી, રાજેશ રાઠોડ સહિત નો સ્ટાફ ઉપસ્થિત રહ્યો હતો.
અહેવાલ યશપાલ સ્વામી
