વોટર વર્ક શાખા અને ભૂગર્ભ શાખાના આગામી ૨૦ વષૅના ભવિષ્ય ના વિકાસ કામો ટુક સમયમાં શરૂ કરાશે..
પાટણ તા. ૧૩
પાટણ નગરપાલિકાની વોટર વર્કસ શાખા અને ભૂગર્ભ શાખાના ભવિષ્ય ના ૨૦ વષૅના વિકાસ કામો ને ધ્યાનમાં રાખીને રાજય સરકાર દ્વારા રૂ. ૧૩૦ કરોડની રકમ પાટણ નગરપાલિકા ને ફાળવવામાં આવી છે જે બંન્ને શાખાઓ ના વિકાસ કામો ટુક સમયમાં શરૂ કરવામાં આવનાર હોવાનું પાલિકા ના સુત્રો તરફથી જાણવા મળ્યું છે. પાટણ નગરપાલિકા અનેગુજરાત અર્બન ડેવલપમેન્ટ કંપની લી. દ્વારા અમૃત ૨.૦૦ યોજના હેઠળ પાલિકા ની ભૂગર્ભ ગટર શાખાના વિકાસકામો પેટે રૂ.૯૭,૯૬,૩૯,૦૩૫ અને વોટર વર્કસ શાખાના વિકાસ કામો માટે રૂ.૨૫, ૨૬,૬૦,૧૩૮ તેમજ વોટર સપ્લાય અને નિભાવણી ના કામો માટે રૂ.૭,૫૮,૭૫,૧૩૯ સાથે કુલ રૂ.૧૩૦ કરોડથી વધુની રકમ પાટણ નગરપાલિકા ને ફાળવવામાં આવી છે ત્યારે ઉપરોક્ત શાખાના વિકાસ કાર્યો ટુક સમયમાં શરૂ કરવામાં આવનાર હોવાનું અને આ વિકાસ કામોના ખાતમુહૂર્ત પણ ટુક સમયમાં કરવામાં આવનાર હોવાનું પાલિકાના સુત્રો તરફથી જાણવા મળ્યું છે.પાટણ નગરપાલિકાને મળેલી રૂ. ૧૩૦ કરોડની ગ્રાન્ટ માથી વોટર વર્કસ શાખાના મહત્વના વિકાસ કામોમાં માતરવાડી,રોટરી નગર અને અંબાજી નેળિયામાં ઓવરહેડ ટાકીના કામો ,ફિલ્ટર પ્લાન્ટ ની કનેકટીંગ લાઈનો,સંપ સહિત ના કામો કરવામાં આવશે સાથે સાથે વેલકમ ગાર્ડન પાસે નવીન ફિલ્ટર પ્લાન્ટ ના કામો આગામી ૨૦ વષૅના આયોજન ને ધ્યાનમાં રાખીને કરવામાં આવનાર હોવાનું પાલિકાના સુત્રો એ જણાવ્યું હતું.
અહેવાલ યશપાલ સ્વામી
