શ્રી પદ્મનાભ ભગવાનની વાડી પરિસરમાં આવેલા શ્રી ગોપેશ્વર મહાદેવ મંદિરના જીર્ણોદ્ધાર ની કામગીરી શરૂ કરાઈ…

પાટણ તા. ૧૦
પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભજીના સાનિધ્યમાં આવેલા શ્રી ગોપેશ્વર મહાદેવ મંદિર પરિસરના જીર્ણોદ્ધાર ની કામગીરી સમાજના દાનવીર દાતાઓ અને અન્ય સમાજના શિવભક્તોના દાનના સહયોગથી હાથ ધરવામાં આવી છે. શ્રી પદ્મનાભ ભગવાન ની વાડી પરિસરમાં આવેલા 33 કરોડ દેવી દેવતાઓ, 88,000 ઋષિમુનિઓ અને 56 કોટી યાદવનો વાસ છે

ત્યારે આ વાડીમાં બિરાજમાન શ્રી ગોપેશ્વર મહાદેવ મંદિર પરિસર ના જીર્ણોદ્ધારની કામગીરી શ્રી પદ્મનાભ વાડી ટ્રસ્ટના વડપણ હેઠળ શ્રી ગોપેશ્વર મહાદેવ સેવક સમિતિ ના સેવાભાવી કાર્યકર ઈશ્વર ભાઈ પ્રજાપતિ (જય ભોલે) ની આગેવાની હેઠળ સમિતિના સૌ સભ્યો દ્વારા તન, મન અને ધન થી સહયોગી બની મંદિર જીર્ણોદ્ધાર ની કામગીરીમાં જોડાયા છે.

હાલમાં શ્રી ગોપેશ્વર મહાદેવ મંદિર પરિસર ની જગ્યા ને સ્વચ્છ બનાવવાની કામગીરી સમિતિના સભ્યો દ્વારા હાથ ધરવામાં આવી છે. અને આગામી દિવસોમાં શ્રી ગોપેશ્વર મહાદેવ મંદિરના નવનિર્માણ નું ખાતમુહૂર્ત વિધિ કરવામાં આવનાર હોવાનું શ્રી ગોપેશ્વર મહાદેવ સેવક સમિતિના ઇશ્વરભાઇ પ્રજાપતિ (જય ભોલે) એ જણાવ્યું હતું.

અહેવાલ યશપાલ સ્વામી