પાટણ જિલ્લા અને શહેરમાં રમઝાન ઇદની કોમી એખલા સમય વાતાવરણમાં ઉજવણી કરાઈ…

શહેરની ઈદગાહ ખાતે મૌલવી અને ટ્રસ્ટીઓ સહિત મુસ્લિમ બિરદારોએ નમાજ અદા કરી ખુદાની બંદગી ફરમાવી..

પાટણ તા. ૧૧
પાટણ શહેર અને જિલ્લામાં બુધવાર ની રાત્રે ચાંદના ના દિદાર થતાં ગુરૂવારે મુસ્લિમ સમાજનો પવિત્ર રમઝાન માસ પૂર્ણ થતાં ઇદુલ ફીત્ર ( રમજાન ઈદ ) ની મુસ્લિમ બિરાદરોએ ખાસ નમાઝ સિદ્ધિ સરોવર સામે આવેલ ઈદગાહ ખાતે મૌલવી સાહેબ અને ઈદગાહ કમીટી ના સભ્યો સહિત વિશાળ સંખ્યામાં મુસ્લિમ બિરાદરોએ ઉપસ્થિત રહી ઇદુલ ફીત્રની નમાજ ફરમાવી ખુદા તાલાની બંદગી ફરમાવી અમન અને ભાઈચારા ની દુવા ફરમાવી હતી.

પાટણ સિદ્ધિ સરોવર ખાતે સામે આવેલ ઈદગાહ ખાતે ગુરૂવારે સવારે 8 વાગે ઈદગાહ કમીટીના પ્રમુખ સહિત ટ્રસ્ટીઓ અને મૌલવી સહિત મુસ્લિમ બિરાદરોએ મોટી સંખ્યામાં માં ઉપસ્થિત રહી રમઝાન ઈદ ની નમાજ અદા કરી હતી .ત્યાર બાદ એક બીજા ને ગળે મળી રમઝાન ઈદ ની શુભેચ્છાઓ પાઠવી હતી .
તો ઈદગાહ ખાતે ભાજપ, કોગ્રેસ ના આગેવાનોએ પણ ઉપસ્થિત રહી મુસ્લિમ બિરદારો ને ઈદ મુબારક ની શુભેચ્છાઓ પાઠવી હતી.

ઈદના પવૅને લઈ કાયદો અને વ્યવસ્થા બની રહે તે માટે જિલ્લા પોલીસ વડા દ્રારા શહેરની ઈદગાહ સહિત પાટણ જિલ્લાની વિવિધ મસ્જિદો પાસે ચુસ્ત પોલીસ બંદોબસ્ત તૈનાત કરવામાં આવ્યો હતો. પાટણ શહેરના ઈદગાહ સહિત શહેર ના રખતાવાડા, મદ્રસા કંઝે મરગુબ, રેલ્વે સ્ટેશન બદરીયા મસ્જીિદ, સમી કી મસ્જિદ (મર્કઝ), જુના પાવરહાઉસ ગુંન્ન મસ્જિદ, જામેમસ્જિદ ઇદગાહ, હજરત મૌલાના મોહંમદ બિન તાહિર (રે.એ) સહિત ની મસ્જિદ માં ઈદની નમાજ અદા કરવામાં આવી હતી.

અહેવાલ યશપાલ સ્વામી