પાટણ પ્રજાપતિ સમાજના ચૈત્રી માસમાં નીકળતા ગરબા મહોત્સવ દિવસો પસાર થતા રંગ લાવી રહ્યા છે..

સમાજ દ્વારા કરાયેલી બિનજરૂરી ખર્ચ રોકવાની અપીલને પરિવારજનોએ અમલમાં લઈ સરાહનીય કાર્ય કર્યું..

પાટણ તા. ૩૦
પાટણ પ્રજાપતિ સમાજના પરિવારજનો દ્વારા પવિત્ર ચૈત્ર માસમાં પ્રથમ પુત્રની પ્રાપ્તિને લઈને શ્રદ્ધા ભક્તિ સાથે આખો ચૈત્ર માસ કુળદેવી માતાજીની આરાધના અર્થે અને પુત્રના નિરોગી આયુષ્ય માટે ચૈત્રી ગરબા નું આયોજન કરવામાં આવતું હોય છે ત્યારે ચૈત્ર સુદ અમાસથી શરૂ થયેલા ચૈત્રી ગરબાના આ શુભપ્રસંગો માં સમાજ પરિવારના સભ્યો વિવિધ પ્રકારની પ્રસાદ સ્વરૂપે લહાણી ભેટ ધરતા હોય છે.

પરંતુ ચાલુ સાલે પાટણ પ્રજાપતિ સમાજ પાટણ દ્વારા લહાણીની પ્રથા બંધ કરી જે પરિવારના ત્યાં ચૈત્રી માસના ગરબા કાઢવામાં હોય તે પરિવારને ત્યાં લહાણીની જગ્યાએ રોકડ રકમની ભેટ આપવાનું નક્કી કરવાની સાથે ગરબા દરમ્યાન કરાતાં નાસ્તા- પાણી, હેવી સાઉન્ડ સિસ્ટમ, મ્યુઝિક પાર્ટી સહિતના ખર્ચા ઓ બંધ કરી સમય મર્યાદામાં ગરબા વધાવી લેવાના નિયમને ચાલુ સાલે મોટાભાગના પરિવારોએ અમલ માં મૂકી ચૈત્ર માસમાં ગરબા નિમિત્તે થતા બિનજરૂરી ખર્ચા પર રોક લગાવી સમાજ ઉત્થાનમાં સહભાગી બન્યા છે.

ત્યારે પાટણ પ્રજાપતિ સમાજ પાટણના સભ્યો દ્વારા ચૈત્ર માસ ના ગરબા જે પરિવારો દ્વારા આયોજિત કરવા માં આવ્યા છે તેઓના ગરબા મહોત્સવમાં સહભાગી બને પરિવારજનો સમક્ષ આભાર ની લાગણી વ્યક્ત કરી રહ્યા છે પાટણ પ્રજાપતિ સમાજમાં પુત્ર પ્રાપ્તિને લઈને ચૈત્ર માસમાં યોજાતા ગરબા મહોત્સવ જેમ જેમ દિવસો પસાર થઈ રહ્યા છે તેમ તેમ પરિવારજનોમાં માતાજીની ભક્તિ આરાધના નો ઉમંગ છલકાઈ રહેલો જોવા મળી રહ્યો છે.

અહેવાલ યશપાલ શ્યામી