ચૈત્રી પૂનમના પવિત્ર પર્વને લઈ પાટણ થી બહુચરાજી જવા પગપાળા યાત્રા સંઘો પ્રસ્થાન થયા…

પાટણની વિવિધ સંસ્થાઓ અને કલબો દ્વારા બહુચરાજી માર્ગ પર સેવા કેમ્પ કાર્યરત કરાયા..

પાટણ થી બહુચરાજી જતા માર્ગ માં બહુચર ના જય ધોષથી ગુંજી ઉઠ્યા..

પાટણ તા. ૨૨
ચૈત્રી પૂનમના પવિત્ર પર્વ ને લઇ બહુચરાજી ખાતે મા બહુચરના સ્થાનકે જવા સોમવારે પાટણ શહેરના વિવિધ વિસ્તારો માથી માતાજીની માંડવીઓ અને રથ સાથે ભકિત સંગીત ના તાલે પદયાત્રા સંધો બોલ મારી બહુચરના નારા સાથે પ્રસ્થાન થયા હતા.

શહેરના કસારવાડો, ભઠ્ઠીનોમાઢ,દ્વારકાધીશ મિત્ર મંડળ, છીડિયા દરવાજા સહીત વિસ્તાર માથી મોટી સંખ્યા મા ભાવિક ભકતો પદયાત્રા સંઘમાં જોડાતા સમ્રગ વાતાવરણ ધર્મમય બન્યુ હતુ. અબાલ વૃધ્ધ સૌ કોઇ માતાજી ની માંડવી સાથે સંગીતના તાલે ઝુમતા પાટણ થી બહુચરાજી તરફ પ્રયાણ કર્યું હતું.

સેવા ભાવી કાર્યકરો દ્વારા પદયાત્રીઓને માર્ગમાં કોઇ પ્રકારની મુશ્કેલીઓ ઉભી ના થાય તે માટે સેવા કેમ્પો ઉભા કર્યા છે.જેમાં પદયાત્રીઓની સેવામાં ઝીણીપોળ યુથ કલબ, પ્રજાપતિ યુથ ક્લબ દ્વારા સેવા કેમ્પ નું આયોજન કરવામાં આવ્યું છે.

જેમાં ગરમા-ગરમ લાઈવ કોથમીવડી,આઇસ મિનરલ પાણી, મેડીકલ સેવા નું આયોજન કરવામાં આવ્યું છે. તો એકટીવ ગ્રૂપ – પાટણ દ્વારા ગરમા ગરમ લાઇવ ઢોકળા, મેડીકલ સેવા મિનરલ ઠંડુ પાણીનો સેવા કેમ્પ ચાણસ્મા રાજકુમાર ફાર્મ,કોલેજની સામે રાખવાંમાં આવ્યો છે.

તો બેંતાલીસ લેઉવા પાટીદાર યુવા સંગઠન આયોજીત બહુચરાજી પગપાળા યાત્રા સેવા કેમ્પ આશીર્વાદ હોટલ ની બાજુમાં પોયડા ચોકડી પાસે લાઈવ ઢોકળા અને કેળા ની વેફર નો સેવા કેમ્પ છે, મોઢેરા બેચરાજી રોડ પર કરવામાં આવ્યો છે. શ્રી બ્રહ્માણી યુવક મંડળ રાજપુર દ્રારા આઇસ્ક્રીમ કેન્ડી, મિનરલ વોટર અને આરામની વ્યવસ્થા Indian oil Pump, મોઢેરા પાસે કરવામાં આવી છે.

હ્યુમાનિટી ટ્રસ્ટ દ્રારા લાઇવ પોપકોર્ન, ચા મેડીકલ સેવા ,મિનરલ વોટર વિસામોની વ્યવસ્થા માવતર પેટ્રોલપંપની બાજુમાં, વડાવલી-મોઢેરા વચ્ચે, ફોરેવર કિંગ્સ ફરાળી કેવડો ,ઘીયાના પાડા દવરા ફરાળી વેફર મોટી મિનરલ પાણી તથા આરામ માટે ગાદલા ની વ્યવસ્થા ના સેવા કેમ્પો કાર્યરત બન્યા હતા. ચૈત્રીપૂનમે મા બહુચરના દર્શન સાથે શ્રધ્ધાળુઓપોતાની બાધા માનતા પુર્ણ કરી ધન્ય બનશે.

અહેવાલ યશપાલ શ્યામી