આર્ટ્સ કોલેજ પાટણના એન.એસ.એસ વિભાગ દ્વારા મતદાન જાગૃતિ માટે રેલી યોજાઈ…

પાટણ તા. ૨૨
પાટણ સ્થિત નોર્થ ગુજરાત એજ્યુકેશન સોસાયટીના કેમ્પસમાં સ્થિત આર્ટસ, કોલેજના એન.એસ.એસ. વિભાગ દ્વારા એન.એસ.એસના વિદ્યાર્થીઓએ રાજમહેલ રોડ અને આસપાસના વિસ્તારની સોસાયટીમાં મતદાન જાગૃતિ રેલી કાઢી હતી. આ રેલી દરમિયાન વિદ્યાર્થીઓએ નગરજનો તથા સોસાયટીઓમાં રહેતા નાગરિકોને કોઇ પણ જાતના પ્રલોભનને વશ થયા વિના તટસ્થ રીતે મતદાન કરવા માટે પ્રેરિત કર્યા હતા.

મતદાર જાગૃતિ રેલીમાં એન.એસ.એસ.ના વિદ્યાર્થીઓએ નવા નોંધાયેલા મતદારોને પણ આળસ કર્યા વિના મતદાન કરવા માટે હાકલ કરી હતી. તદઉપરાંત પોતાના ગામ, શહેર, મહોલ્લામાં પણ 18 વર્ષ થી ઉપરના તમામ લોકોને નિષ્પક્ષ મતદાન કરવા માટે પ્રતિજ્ઞા લેવડાવી હતી.

અહેવાલ યશપાલ શ્યામી