યુનિવર્સિટી દ્વારા લેવામાં આવી રહેલી ત્રીજા તબક્કાની પરીક્ષાઓ શાંતિપૂર્ણ માહોલમાં સંપન્ન….

પાટણ તા. ૩૦
હેેમચંદ્રાચાર્ય ઉત્તર ગુજરાત યુનિવર્સિટી, પાટણ દ્વારા છેલ્લા કેટલાક મહિનાથી સ્નાતક અને અનુસ્નાતક ના અભ્યાસક્રમોના વિવિધ સેમેસ્ટરોની પરીક્ષાઓ લેવામાં આવી રહી હતી .ત્યારે મંગળવારે છેલ્લા અને અંતિમ ત્રીજા તબક્કાની પરીક્ષાઓ શાંતિપૂર્ણ માહોલમાં સંપન્ન થઈ છે.

હેમચંદ્રાચાર્ય ઉત્તર ગુજરાત યુનિવર્સિટી ,પાટણ દ્વારા ઉત્તર ગુજરાતમાં પાંચ જિલ્લામાં આવેલી કોલેજોમાં અને યુનિવર્સિટીના વિવિધ વિભાગોમાં અભ્યાસ કરતા વિદ્યાર્થીઓની પ્રથમ અને બીજા તબક્કાઓની પરીક્ષાઓ લીધા બાદ સ્નાતક અને અનુસ્નાતક સેમેસ્ટર 2 ની જુદી જુદી 60 જેટલી પરીક્ષાઓ તાજેતરમાં જ શરૂ કરવામાં આવી હતી . જેમાં અંદાજે 1.50 લાખ જેટલા વિદ્યાર્થીઓ પરીક્ષા આપી રહ્યા હતા.

ત્યારે મંગળવારે આ પરીક્ષાઓ શાંતિ પૂર્ણ માહોલમાં સંપન્ન થઈ છે .ત્યારે આ સાથે જ યુનિવર્સિટીની મોટાભાગની પરીક્ષાઓ આજે પૂરી થઈ છે અને વેકેશનના ગાળામાં મેડિકલની સપ્લીમેન્ટરી પરીક્ષાઓ જે બાકી છે તે લેવામાં આવનાર છે. તો પ્રથમ સેમ ના પરિણામ મોટા ભાગે તૈયાર થઈ ગયા હોય જે ટુક સમયમાં જાહેર કરવામાં આવનાર હોવાનું પરિક્ષા નિયામકે જણાવ્યું હતું.

અહેવાલ યશપાલ શ્યામી