મેલુસણ-શિહોરી માગૅ પર પાલૅરની આડમાં ગેરકાયદેસર રીતે ડીઝલનું વેચાણ કરતા બે ઈસમોને SOG ટીમે રંગેહાથ દબોચ્યા..

પાટણ તા. ૩
પાટણ જિલ્લાના સરસ્વતી તાલુકાના મેલુસણ શિહોરી માર્ગ પર પાર્લર ની આડમાં બિનઅધિકૃત રીતે ડીઝલનું વેચાણ કરી રહેલા બે શખ્સોને પાટણ એસ.ઓ.જી પોલીસ ટીમે રંગે હાથ દબોચી લઈ કાયદેસર ની કાર્યવાહી હાથ ધરી હોવાની પોલીસ તરફથી માહિતી પ્રાપ્ત થવા પામી છે.

આ બાબતે મળતી હકીકત મુજબ પાટણ જિલ્લા પોલીસ અધિક્ષકMડો.રવિન્દ્ર પટેલ દ્વારા આગામી લોક સભા ચુંટણી-૨૦૨૪ અનુંસંધાને પાટણ જિલ્લામાં મિલકત સંબંધી ગુન્હાઓ શોધી કાઢવા કરેલ સુચના આધારે પાટણ એસ.ઓ.જી ઇન્ચાર્જ પીઆઇ આર.જી.ઉનાગર ના માર્ગદર્શન હેઠળ એક્શન પ્લાન બનાવી એસ જી.શાખા,પાટણ ની ટીમ સરસ્વતી પોસ્ટે. વિસ્તારમા પેટ્રોલીગમાં હતી તે દરમ્યાન ખાનગી રાહે બાતમી મળેલ કે, દિલીપજી જામાજી ઠાકોર ઉં.વ.૨૫ રહે કાંસા તા.સરસ્વતી જિ પાટણ તથા શંકરભાઇ બાબુ ભાઇ રબારી ઉં.વ.૨૩ રહે.મેલુસણ તા.સરસ્વતી જિ. પાટણવાળા ઓ મેલુસણ થી શિહોરી જતાં રોડ પર પોતાના પાર્લરો ઉપર છળ-કપટથી ડીઝલ મેળવી જે ડીઝલ કેરબાઓમાં ભરી પોતાના પાર્લરની આડમાં ગેરકાયદેસર રીતે વેચાણ કરે છે જે હકીકત આધારે ઉપરોક્ત જગ્યાએ એસ. ઓ.જી.ટીમે રેડ કરતાં ઉપરોક્ત બન્ને ઈસમોને કુલ ૧૩૦ લીટર ડીઝલ કુલ કિ.રૂ.૧૧,૭૦૦/-તથા ટ્રેકટર કિ.રૂ.૨,૫૦,૦૦૦ સાથે રંગેહાથ દબોચી સી.આર.પી.સી. ૧૦૨ મુજબ મુદ્દામાલ કબ્જે કરી બન્ને ઇસમોને સરસ્વતી પો.સ્ટે.માં સુપ્રત કરતાં આગળની કાયદેસરની કાર્યવાહી સરસ્વતી પોલીસે હાથ ધરી હોવાનું પોલીસ સુત્રોએ જણાવ્યું હતું.

અહેવાલ યશપાલ શ્યામી