ગુજરાતના પનોતા પુત્ર નરેન્દ્રભાઈ મોદીને દેશના વડાપ્રધાન પદે ત્રીજીવખત સત્તારૂઢ કરવા મતદાનની અપીલ કરતાં કે. સી.પટેલ
પાટણ તા. ૭
પાટણના પનોતા પુત્ર અને ગુજરાત રાજ્ય ભારતીય જનતા પાર્ટીના પૂર્વ પ્રદેશ મહામંત્રી અને ચાલુ લોકસભા ની ચૂંટણીમાં ગાંધીનગર અને અમદાવાદ પૂર્વ અને પશ્ચિમ લોકસભા ના કલસ્ટર પ્રભારી તરીકે ની નિષ્ઠાપૂર્વક જવાબદારી વહન કરી
દેશના વડાપ્રધાન નરેન્દ્રભાઈ મોદી, કેન્દ્રીય ગૃહ રાજ્ય મંત્રી અમિતભાઈ શાહ અને ગુજરાત ના મુખ્યમંત્રી ભુપેન્દ્રભાઈ પટેલ ની પ્રશંસા પ્રાપ્ત કરનાર શ્રી યુત કે.સી.પટેલે તારીખ 7 મે ના રોજ પાટણ ખાતે રામનગર સ્થિત હરીપુરા પ્રાથમિક શાળાના બૂથ ઉપર પોતાના નાના ભાઈ જીતુભાઈ પટેલ સહિત સહ પરિવાર સાથે મતદાન કરી લોકશાહીના મહાપર્વમાં સહભાગી બન્યા હતા.
મતદાન કર્યા બાદ શ્રીયુત કે.સી.પટેલે લોકશાહીના આ મહાપર્વમાં મતદારોને પોતાનું મતદાન અવશ્ય કરી અન્યોને પણ મતદાન કરાવવાની અપીલ કરી ગુજરાતના પનોતા પુત્રને દેશના વડાપ્રધાન નરેન્દ્રભાઈ મોદીને ત્રીજી વખત વડાપ્રધાન પદે સત્તારૂઢ બનાવવા આહવાન કર્યું હતું.
અહેવાલ યશપાલ શ્યામી
