પાટણ જિલ્લામાંથી હજ યાત્રા એ જનારા 715 હજ યાત્રી ઓને પાટણ સિવિલ હોસ્પિટલ ખાતે રસી આપવા માં આવી..

હજ યાત્રીઓને સર્ટિફિકેટ મેળવવા માટે પડતી મુશ્કેલીને લઈને પાટણના ધારાસભ્ય અને લોકસભાના ઉમેદવારે અધિકારી સાથે ટેલિફોનિક વાતચીત કરી..

પાટણ તા. ૮
પાટણ શહેર અને જિલ્લામાંથી હજ પર જનારા હજયાત્રીઓ માટે બુધવાર ના રોજ સિવિલહોસ્પિટલ ખાતે સિવિલ હોસ્પિટલ સ્ટાફ ,તાલુકા આરોગ્ય કચેરી અને હજ ખીદમત કમીટી દ્રારા વેક્સિનેશન કેમ્પ યોજાયો હતો.જેમાં 715 જેટલા હજયાત્રીઓ ને ઓરલ પોલિયો મગજ ના તાવ અને 65 વર્ષની ઉપરના હજયાત્રીઓને ઈંનફ્લ્યુએન્ઝા રસી મુકવામાં આવી હતી.

સાઉદી અરેબિયાના મક્કા મદીના શહેરમાં દર વર્ષે હજની પવિત્ર યાત્રાએ સમગ્ર વિશ્વમાંથી મોટી સંખ્યા માં હજયાત્રીઓ સફરે જાય છે જેઓ માટે પાટણ હાજિ ખીદ્દમત કમિટી દ્વારા જિલ્લામાં 25 વર્ષથી પાટણ સિવિલ હોસ્પિટલ ખાતે રસીકરણ કેમ્પનું આયોજન કરવામાં આવે છે. ત્યારે ચાલુ સાલે મક્કા મદી ના હજ યાત્રાએ જનારા 715 જેટલા હજ યાત્રિકોને મગજના તાવ ઓરલ પોલીઓ અને ઈંનફ્લુ એન્ઝા ની રસી આપવા માં આવી હતી. હજયાત્રીઓ માટે સિવિલ સર્જન દ્વારા આપવામાં આવતું ફીઝીકલ ફિટનેશનું સર્ટીફીકેટ તથા જરૂરી માર્ગદર્શન અને મેડિસીન આપવામાં આવી હતી. જેમાં શહેર અને જિલ્લાના 715 હજયાત્રીઓએ હાજર રહીને વેક્સિન ( રસી ) મુકવામાં આવી હતી.

ત્યારે હજયાત્રીઓને રસી આપવાના યોજાયેલા કેમ્પની મુલાકાતે પાટણના ધારાસભ્ય કિરીટભાઈ પટેલ સહિત પાટણ લોકસભાના કોગ્રેસના ઉમેદવાર ચંદનજી ઠાકોર સિવિલ હોસ્પિટલ ખાતે મુસ્લિમ સમાજના આગેવાનો સહિત હાજીઓની મુલાકાતે આવ્યા હતા. ત્યારે પાટણ હજ ખીદમત કમિટી ના હબીબખાન પઠાને હાજીઓને રસી માટે નું ઓનલાઈન સર્ટીફીકેટ મેળવવા માટે પડી રહેલી તકલીફ અંગેની વાત કરતા તેઓએ તુરંત જિલ્લા આરોગ્ય અધિકારીને ટેલીફોનિક જાણ કરતા તેઓએ રસીકરણ નું ઓનલાઇન સર્ટીફીકેટ સર્વર ડાઉન રહેતા કામગીરી શક્ય બનતી ન હોવાની રજુઆત કરી ડોક્ટરો અને ડેટા ઓપરેટરો ને વધુ મૂકી તેઓનું તાત્કાલિક નિરાકરણ લાવવા રજુઆત કરી હતી.

તો જે હાજીઓને ઓનલાઈન રસી માટેના સર્ટિફિકેટ ની જરૂરિયાત હોય તો તેઓએ ફોર્મ ભરીને જે તે તાલુકાઓમાંથી તાલુકા વિકાસ અધિકારી પાસેથી પોતાનું રસી માટેનું ઓનલાઇન સર્ટી મેળવી લેવા જણાવ્યું હતું. હજ કમીટી ના સભ્ય રહીશ એહમદ સૈયદે જણાવ્યું હતું કે પાટણ જિલ્લા ના હાજયાત્રીઓ ને રસી આપવાનો કાર્યક્રમ સિવિલ હોસ્પિટલમાં રાખવામાં આવ્યો છે. આ વર્ષે પાટણ જિલ્લા ના 715 હાજયાત્રીઓ હજ યાત્રાએ જનાર છે. જે 26 મેં ના રોજ થી 9મેં ના રોજ સુધી અમદાવાદ ખાતેથી ફ્લાઇટ માં મક્કા મદીના જવા માટે રવાના થવાનું જણાવ્યું હતું.તો ગત વર્ષ કરતા ચાલુ સાલે હાજીઓની સંખ્યા માં ડબલ વધારો થયો હોવાનું જાણવા મળ્યું હતું. ત્યારે ગત વર્ષે 350 ની આસપાસ હાજીઓની સંખ્યા હતી જે ચાલુ સાલે 715 હાજીઓ માંથી 324 જેટલી બહેનો હજ યાત્રાએ હજના અરકાન પૂર્ણ કરવા જશે તેવું તેઓએ જણાવ્યું હતું.

અહેવાલ યશપાલ શ્યામી