પાટણ ના કલ્યાણેશ્વર મહાદેવ ની પોળમાં શ્રી કલ્યાણેશ્વર મહાદેવ મંદિર નો પુનઃ પ્રતિષ્ઠા મહોત્સવ ઉજવાયો..

બે દિવસીય આયોજિત પુનઃ પ્રતિષ્ઠા મહોત્સવ નિમિત્તે વિવિધ ધાર્મિક ઉત્સવ ઉજવવામાં આવ્યાં..

પાટણ તા.૧૧
પાટણ શહેરના જૂનાગંજ બજાર વિસ્તારમાં આવેલ કલ્યાણેશ્વર મહાદેવ ની પોળમાં બિરાજમાન શ્રી કલ્યાણેશ્વર મહાદેવ મંદિર નો પુનઃ પ્રાણ પ્રતિષ્ઠા મહોત્સવ શ્રી કલ્યાણેશ્વર મહાદેવ યુવક મંડળ દ્વારા ભક્તિસભર માહોલમાં બે દિવસીય આયોજિત કરવામાં આવ્યો હતો.

શ્રી કલ્યાણેશ્વર મહાદેવ મંદિરના પુન: પ્રતિષ્ઠા મહોત્સવના પ્રથમ દિવસે પ્રતિષ્ઠા યજ્ઞનો પ્રારંભ, કર્મ કુટીર,પ્રધાન દેવતા પૂજન, સ્તપન વિધિ અને સાયન પૂજન જેવા પ્રસંગો ઉજવવામાં આવ્યાં હતાં. જયારે બીજા દિવસે દેવ નગરયાત્રા, પ્રાંત પુજન, તત્વ હોમ, આરતી, ધ્વજા આરોહણ, યજ્ઞ પુણૉહૂતિ, મહા આરતી જેવા ધામિર્ક ઉત્સવો ઉજવવામાં આવ્યાં હતાં.

શ્રી કલ્યાણેશ્વર મહાદેવ મંદિર પરિસરના પુનઃ પ્રતિષ્ઠા મહોત્સવના મુખ્ય યજમાન પદે ગં.સ્વ.ચંપાબેન ઈશ્વરલાલ મોદી પરિવાર, સહ યજમાન પદે જયેશકુમાર રવિન્દ્ર પ્રસાદ ત્રિવેદી પરિવાર અને બાબુ લાલ સેવંતીલાલ મોદી પરિવારે લ્હાવો લીધો હતો.

જયારે પાટોત્સવ હવનના યજમાન પદે દિનેશ કુમાર રમણ લાલ મોદી પરિવાર અને ધમૅ ધજાના યજમાન પદે જસવંતકુમાર પરસોતમદાસ પટેલ પરિવારે લ્હાવો લીધો હતો. શ્રી કલ્યાણેશ્વર મહાદેવ મંદિરના પુનઃ પ્રતિષ્ઠા મહોત્સવને સફળ બનાવવા શ્રી કલ્યાણેશ્વર મહાદેવ યુવક મંડળ અને કલ્યાણેશ્વર મહાદેવ ની પોળના રહીશો દ્વારા જહેમત ઉઠાવવામાં આવી હતી.

અહેવાલ યશપાલ શ્યામી