અનાવાડા હરિઓમ ગૌશાળા અને હોસ્પિટલના લાભાર્થે “એક શામ ગૌ માતા કે નામ ભવ્ય લોક ડાયરો યોજાયો..

બ્રીજરાજદાન ગઢવી, કિંજલ દવે અને ગીતા રબારી સહિતના કલાકારો એ ડાયરાની રમઝટ બોલાવી : ગૌ ભકતોએ રૂપિયાનો વરસાદ વરસાવ્યો..

પાટણ શહેરમાં જીવદયાના લાભાર્થે અનેક વખત ધામિર્ક અને સાંસ્કૃતિક કાર્યક્રમો સાથે ભવ્ય ડાયરાના આયોજન કરવામાં આવતાં હોય છે

ત્યારે શનિવારે રાત્રે પાટણ સમિપ આવેલા અનાવાડ થી વડલી તરફ જવાના માર્ગ પર ની શ્રી હરિઓમ ગૌશાળા અને ગૌહોસ્પિટલ ની બીમાર ગૌમાતા અને ગોવંશના લાભાર્થે શહેરના અંબાજી નેળિયા માં આવેલ ક્રિકેટ ગ્રાઉન્ડ ખાતે “એક શામ ગૌ માતા કે નામ ના ભવ્ય ડાયરાનું આયોજનકરવામાં હતું.

આ ડાયરામાં ગુજરાતના નામાંકિત કલાકારો બ્રીજરાજદાન ગઢવી, કિંજલ દવે, ગીતા રબારી સહિતના કલાકારોએ મોડી રાત સુધી ભજન અને ગીતો લલકારી ઉપસ્થિત જનમેદનીને મંત્રમુગ્ધ કરી દીધી હતી.

ડાયરો સાંભળવા માટે મોટી સંખ્યામાં ગૌ ભકતો સહિત પાટણ અને આજુ બાજુના વિસ્તાર માંથી હજારો ની સંખ્યામાં લોકો ઉપસ્થિત રહ્યાં હતા .

અને બીમાર ગૌ માતા અને ગૌશાળાના લાભાર્થે આયોજિત ડાયરામાં કલાકારો ઉપર પૈસાનો વરસાદ વરસાવ્યો હતો. જે તમામ રકમ કલાકારો એ શ્રી હરિઓમ ગૌશાળા અને ગૌહોસ્પિટલના સતકાયૅ માટે અપૅણ કરી જીવદયાની ભાવનાને ઉજાગર કરી હતી.

અહેવાલ યશપાલ શ્યામી