પાવર ગ્રીડની વિજ લાઈન નાખવાની કામગીરી અંતર્ગત ખેડૂતોને યોગ્ય વરતળ નહીં મળે તો ખેડૂતોની પરિવાર સાથે આત્મ વિલોપનની ચિમકી..

ખેડૂતો દ્વારા કલેક્ટર સાથે બેઠક યોજી 2017 માં ચૂકવેલ વળતરની રકમ મુજબ વળતર ચૂકવવાની માંગ કરાઈ..

પાટણ તા. ૨૦
ચાણસ્મા સહિત પાટણ જિલ્લામાં પાવરગ્રીડ ની વિજ લાઇન નાખવાનું કામ પુર જોશ માં ચાલી રહ્યું છે. ત્યારે જે ખેડૂતો ના ખેતરમાં મોટા ટાવર જેવા વિજ પોલ નાખવામાં આવી રહ્યા છે તે ખેડૂતો ને વષૅ 2017 મુજબ વળતર ની ચૂંકવણી કરવામાં નહી આવતાં ખેડૂતો દ્વારા વિરોધ કરાઈ રહ્યો છે

ત્યારે ચાણસ્માના બ્રાહ્મણવાડા સીમ વિસ્તારમાં પાવરગ્રીડ કંપની દ્વારા ટાવર વીજપોલ નાખવાની શરૂઆત કરતાં ખેડૂતો દ્વારા વિરોધ કરવાની સંભાવના ને ધ્યાને લઈ કંપનીના અધિકારી ઓએ પોલીસ પ્રોટેકશન સાથે ટાવર વિજપોલ નાંખવાની કામગીરી માટે આવી પહોચતા બ્રાહ્મણવાડા સહિત પાટણ જિલ્લાના 54 ગામના ખેડૂતોએ એકઠા થઈ વિરોધ કરી ઉપસ્થિત કંપનીના અધિકારીને હાલ જે વળતર ચૂકવાઈ રહ્યું છે તે ઓછું છે પરંતુ 2017 ની સાલમા ચુક્વણી કરવામાં આવેલ નુકસાન વળતર ચૂકવવાની માગ પર અડગ રહ્યા હતા.

ત્યારે સોમવારે પાટણ જિલ્લાના 54 ગામોના અસર ગ્રસ્ત ખેડૂતો વળતર માટેની માંગ સાથે પાટણ કલેક્ટર કચેરી ખાતે આવી પહોંચ્યા હતા અને કલેક્ટર કચેરી ખાતે સૂત્રોચ્ચાર કરી ખેડૂતોને ન્યાય આપવાની માંગ કરી હતી. ત્યારે વર્ષ 2017 માં પણ 765 કેવી લાઇન પસાર થઈ હતી તે સમયે કલેક્ટર મારફતે પ્રતિ ચોરસ મીટર 730 રૂપિયા ચૂકવાયા હતા.

ત્યારે આજે 2024 માં ફુગાવાના વળતરની સાથે 20℅ વધારાની જગ્યાએ 2017 માં આપેલ વળતર કરતા પણ 50% જેટલું ઓછું વળતર અપાતા ખેડૂતોમાં વિરોધ જોવા મળી રહ્યો છે ત્યાંરે ખેડૂતોને ખાનગી કંપની દ્વારા અન્યાય કરવામાં આવી રહ્યો હોય જેથી ખેડૂતોને અન્યાય ન થાય તે માટેની રજૂઆત કરવા માટે કલેક્ટર કચેરી ખાતે આવી પહોંચ્યા હતા અને 2017 માં ખેડૂતોને જેટલું વળતર આપ્યું હતું તે જ વળતર ચૂકવવા ખેડૂતો એ માંગ કરી હતી.

ત્યારે કલેક્ટર સાથે ની બેઠકમાં ખેડૂતોને સરકારના નવી જંત્રી પ્રમાણેના નવા ધારા ધોરણ મુજબ જે રકમ ચૂકવવાની થતી હશે તે જ રકમ મળવાપાત્ર હોવાનું જણાવતા ખેડૂતોમાં નારાજગી જોવા મળી હતી અને આ મુદ્દે ટૂંક સમયમાં મુખ્યમંત્રીને ખેડૂતો દ્વારા લેખિતમાં રજૂઆત કરવામાં આવનાર હોવાનું ખેડૂતો તરફથી જાણવા મળ્યું હતું.

અને ખેડૂતોને 2017 પ્રમાણેનું વળતર ખાનગી કંપનીઓ દ્વારા ચૂકવવામાં નહીં આવે તો ઉગ્ર આંદોલન કરી કંપની ને કામ નહીં કરવા દેવાની ખેડૂતો એ ચિંમકી ઉચ્ચારી ના છૂટકે ન્યાય મેળવવા ખેડૂતોને પરિવાર સાથે આત્મ વિલોપન કરવાની ફરજ પડશે તેવો હુંકાર પણ ખેડૂતોએ કર્યો હતો.

અહેવાલ યશપાલ શ્યામી