સિધ્ધપુરના ચંદ્ધાવતી ગામની ઉદય શાળા નજીક થી સિધ્ધપુર પોલીસે જુગાર રમતાં ચાર જુગારીઓ ઝડપ્યા..

સરસ્વતી પોલીસે સરીયદ ગામે રહેણાંક મકાન માથી ત્રણ જુગારીઓ ઝડપી લીધા..

પાટણ તા. ૨૫
પાટણ જિલ્લા પોલીસ અધિક્ષક ડો.રવિન્દ્ પટેલે પાટણ શહેર અને જિલ્લામાં ફેલાયેલી પ્રોહી -જુગાર લગત ગે.કા.પ્રવુતિની બદીને ડામવા સારુ સુચના કરતાં નાયબ પોલીસ અધિક્ષક કે.કે.પંડયા તથા સિધ્ધપુર પીઆઇ જે.બી.આચાર્ય નાઓની સુચના અને સીધા માર્ગદર્શન હેઠળ સિધ્ધપુર પો.સ્ટે.પોલીસ સ્ટાફના માણસો પો.સ્ટે વિસ્તારમા પ્રોહી જુગાર લગત પેટ્રોલીંગમાં હતા દરમ્યાન પોલીસના માણસોને સચોટ બાતમી હકીકત મળેલ કે, ચંન્દ્રાવતી ગામે આવેલ ઉદય હાઇસ્કુલના દરવાજાની બહાર ખુલ્લામાં કેટલાક ઇસમો બેસી ગંજીપાના તથા પૈસાથી પોતાના અંગત ફાયદા સારૂ તીનપતીનો હાર જીત નો જુગાર રમે છે.

જે હકિકત આધારે ઉપરોક્ત જગ્યાએ ટીમે રેઇડ કરી કુલ -૦૪ ઇસમોને રોકડ રકમ રુ.૧૦, ૪૪૦/- તેમજ જુગાર રમવાના સાહીત્ય ગંજીપાના સહિત ના મુદામાલ સાથે પકડી પાડી ઝડપાયેલા જુગારીઓ
ઠાકોર આરતીસિંહ પ્રવિણજી જીવણજી, ઠાકોર અજયસિંહ રંગાજી પ્રભાતજી ઠાકોર સિધ્ધરાજ કનુજી સોમાજી અને ઠાકોર રઘાજી રાયસંગજી હેદાજી તમામ રહે, ચંન્દ્રાવતી, તા. સિધ્ધપુર જી. પાટણ વાળા સામે કાયદેસર ની કાયૅવાહી હાથ ધરી હોવાનું જાણવા મળ્યું છે.

જયારે સરસ્વતી પોલીસે પણ બાતમીના આધારે સરસ્વતી તાલુકા ના સરીયદ ગામે મોરબીપુરા ના રહેણાંક મકાનમાં જુગાર રમી રહેલા બલોચ ઈમરાનખાન ભીખનખાન,બલોચ ગુલાબખાન બચલખાન અને બલોચ જાવેદખાન જાફરખાન તમામ રહે.સરીયદ તા.સરસ્વતી જી.પાટણ વાળા ને રોકડ રકમ રૂ. ૧૦૨૩૦ સહિત મુદામાલ સાથે અટકાયત કરી જુગાર ધારાની કલમ હેઠળ ગુનો નોંધી તપાસ હાથ ધરી હોવાનું જાણવા મળ્યું છે.

અહેવાલ યશપાલ શ્યામી