પાટણ તા. 14 હર ઘર તિરંગા અભિયાન અંતર્ગત પાટણ તાલુકાના ધારપુર હોસ્પિટલ સામે ના કોમ્પલેક્ષ ના વેપારીઓ સહિત આવતા જતા રાહદારી તેમજ વાહન ચાલકો ને ભાજપ યુવા મોરચાના કાર્યકરો દ્રારા હર ઘર તિરંગા અભિયાન હાથ ધરી તિરંગા વિતરણ કરવામાં આવ્યાં હતાં. આ તિરંગા વિતરણ કાર્યક્રમમાં પાટણ જિલ્લા ભાજપ યુવા મોરચાના પ્રમુખ વિવેક પટેલે જણાવ્યું હતું કે દેશના વડાપ્રધાન નરેન્દ્ર મોદીના નેતૃત્વમાં સમગ્ર દેશ આઝાદી કા અમૃત મહોત્સવ ઉજવી રહ્યું છે.ત્યારે પાટણ જિલ્લા ભાજપ યુવા મોરચા દ્વારા તમામ 14 મંડળમાં તિરંગા અભિયાન યોજવામાં આવ્યું છે જેના ભાગરૂપે ધારપુર મેડિકલ હોસ્પિટલ આગળ પાટણ તાલુકા ભાજપ યુવા મોરચા દ્વારા તિરંગા વિતરણ કરવામાં આવ્યું હોવાનુ તેઓએ જણાવ્યું હતું. આ કાર્યક્રમમાં જિલ્લા ભાજપના મંત્રી જયરામભાઈ દેસાઈ,તાલુકા ભાજપ મહામંત્રી હરીભાઇ પટેલ સહિત યુવા મોરચાના આગેવાનો, કાર્યકરો ઉપસ્થિત રહ્યા હતા.
અહેવાલ યશપાલ સ્વામી
