પ્રત્યેક નાગરિકે નૈતિક જવાબદારીના ભાગ રૂપે વૃક્ષ વાવી તેની સાચવણી નિષ્ઠા પૂર્વક કરવી જોઈએ : કુલપતિ…

યુનિવર્સિટીના NSS વિભાગ દ્વારા વિશ્વ પયૉવરણ દિવસ નિમિત્તે વૃક્ષારોપણ કાર્યક્રમ યોજાયો..

પાટણ તા. ૫
પાટણ હેમચંદ્રાચાર્ય ઉત્તર ગુજરાત યુનિવર્સિટી ના એન એસ એસ વિભાગ દ્રારા વિશ્વ પર્યાવરણ દિન નિમિત્તે વૃક્ષારોપણ કાર્યક્રમ આયોજિત કરવામાં આવ્યો હતો. આ પ્રસંગે વહીવટી ભવનના ઉચ્ચ અધિકારીઓ દ્વારા વૃક્ષ દત્તક લઈ તેના જતનની જવાબદારી સાથે વૃક્ષારોપણ કરવામાં આવ્યું હતું. આ વૃક્ષારોપણ કાર્યક્રમ અંતર્ગત ખાસ કરીને પક્ષીઓ રહી શકે તેવા બોરસલ્લી, લીમડો અને વાતાવરણ અનુકૂલન સાધી શકે તેવા વૃક્ષોનું વાવેતર કરાયું હતું.

આ પ્રસંગે યુનિવર્સિટીના કુલપતિ ડો કે સી પોરિયાએ પયૉવરણ જાગૃતિનો સંદેશ પાઠવતા જણાવ્યું હતું કે, વૃક્ષમાં વાસુદેવ છે. આજે સામાન્ય રીતે તાપમાન 45 ડિગ્રીએ પહોચ્યું છે ત્યારે આવનારી પેઢીને જો કઈ આપી શકીએ તો સારું પયૉવરણ છે તેના માટે પ્રત્યેક નાગરિકે નૈતિક જવાબદારીના ભાગ રૂપે વૃક્ષ વાવી તેની સાચવણી નિષ્ઠા પૂર્વક કરવી જોઈએ તેઓએ પહેલા વડીલો પિંપળો, આસોપાલવ, તુલસી વગેરેની પુજા કરતા આજે પણ તે પરંપરા છે તેની પાછળ પણ પયૉવરણ સંરક્ષણનો ભાવ રહેલો છે.

સાથે સાથે જુદાજુદા પ્રદુષણની સામે સંરક્ષણની ચિંતા કરીશું તો આવનારી પેઢીઓ પણ દીર્ઘાયુ ભોગવશે તો જળ સંરક્ષણ, પોલીથીન મુક્ત સમાજ અને અક્ષય ઊર્જા માટે એન એસ એસ વિભાગ લોક જાગૃતી અભિયાન કરે તેવુ સૂચન કર્યુ હતું.

આ પ્રસંગે યુનિવર્સિટીના રજીસ્ટ્રાર ડો. રોહિતભાઇ દેસાઈ, ડેપ્યુટી રજિસ્ટ્રાર ડો કમલ મોઢ, એન એસ એસ કો ઓર્ડીનેટર કમલેશભાઈ ઠક્કર, ડો.ચિરાગભાઈ પટેલ, વિપુલભાઈ સાડેસરા, એન એસ એસ સલાહકાર સમિતિના સભ્યો સહિત યુનિવર્સિટીની વિવિઘ વહીવટી વિભાગના વડાઓએ ઊપસ્થિત રહી યુનિવર્સિટી પ્રાંગણ માં વૃક્ષારોપણ કર્યુ હતું.

અહેવાલ યશપાલ સ્વામી