પાટણ તા. ૫
હાલો ગુજરાતી ગીતોનો જલસો કાર્યક્રમ પાટણ એ.પી.એમ.સી. હોલ ખાતે યોજાયો હતો. ગુજરાત રાજ્ય સંગીત નાટક અકાદમી ગાંધીનગર ના આર્થિક સહયોગથી વરદાયિની મ્યુઝિક એન્ડ ચેરીટેબલ ટ્રસ્ટ, પાટણ દ્વારા ગુજરાતી સંસ્કૃતિ ને ઉજાગર કરતો વિવિદ્ય ગુજરાતી ગૌરવવંતા ગીતો, ઘણાં સુગમ સંગીત અને શૌર્ય ગાથાનાં ગીતો, ભક્તિ અને આનંદ પ્રમોદનાં ગીતોનો ગુજરાતી ગીત નો જલસો સંગીતમય કાર્યક્રમ પાટણ એ. પી. એમ.સી ના એસી હોલ ખાતે યોજયો હતો.
આ કાર્યક્રમ માં તારા આંખ નો અફીણી…… પ્રદીપ નાયક, યશગાથા ગુજરાતની….. કમલેશ સ્વામી, છેલાજી રે…….. આશના પાલકર, પાન લીલું જોયુ મીનાબેન રાવલ તથા ઉદઘોષક તેમજ ગાયક તરીકે ડો.આશુતોષ પાઠક નયનને બંધ રાખીને રજુ કરી હતી અને સમગ્ર કાર્યક્રમનું સંચાલન કર્યુ હતું. અન્ય કલાકારો દ્વારા ગુજરાતી સુગમ સંગીત ગીતો, ગુજરાતી લોકપ્રિય ગીતો રજૂ કરવામાં આવતાં ઉપસ્થિત કલા રસિકોએ મંત્ર મુગ્ધ બની કાર્યક્રમ ને બિરદાવ્યો હતો.આ કાર્યક્રમ ને સફળ બનાવવા વરદાયિની મ્યુઝિક એન્ડ ચેરીટેબલ ટ્રસ્ટના પ્રદીપ સી. નાયક સહિતના કલાકારોએ જહેમત ઊઠાવી હતી.
અહેવાલ યશપાલ સ્વામી
