પાટણ પ્રજાપતિ મહિલા સમિતિ દ્વારા સમાજની બહેનોને આત્મ નિર્ભર બનાવવા નિશુલ્ક બ્યુટી પાર્લર કોર્સનો પ્રારંભ કરાયો…

બ્યુટી પાર્લર કોર્સના પ્રારંભ પ્રસંગે ઉપસ્થિત રહેલા કે.સી.પટેલે બહેનોને આત્મ નિભૅર બનાવવા ની પ્રવૃતિને સરાહનીય લેખાવી..

પાટણ તા. ૬
પાટણ પ્રજાપતિ સમાજની બહેનોને આત્મ નિર્ભર બનાવવાના શુભ ઉદ્દેશ સાથે પાટણ પ્રજાપતિ મહિલા સમિતિ દ્વારા સૌપ્રથમવાર એક માસનો સમાજના દાતા પરિવારના સહયોગથી નિશુલ્ક બ્યુટીશન બેઝિક અને એડવાન્સ કોર્સ નું સુંદર આયોજન શહેરના ટેલિફોન એક્સચેન્જ રોડ પર આવેલા સિધ્ધરાજ કો ઓપરેટિવ ક્રેડિટસોસાયટી બેંકના સેન્ટ્રલ એસી હોલ ખાતે કરવામાં આવ્યું છે.

પાટણ પ્રજાપતિ સમાજની મહિલા સમિતિ દ્વારા આયોજિત કરાયેલા બ્યુટીશન બેઝિક અને એડવાન્સ કોર્સ નો ગુરૂવારના રોજ ગુજરાત પ્રદેશ ભારતીય જનતા પાર્ટી પૂર્વ મહામંત્રી અને પાટણના પનોતા પુત્ર શ્રીયુત કે.સી.પટેલ,સિધ્ધરાજ ક્રેડિટ કો-ઓપરેટીવ સોસાયટી બેંક લી.ના ચેરમેન યતીન ભાઈ ગાંધી, પાટણ પ્રજાપતિ સમાજના આગેવાન શાંતિભાઈ સ્વામી, કમલેશ સ્વામી, યશપાલ સ્વામી, યોગેશભાઈ પ્રજાપતિ, જીતુભાઈ ઓતિયા, પાટણ પ્રજાપતિ મહિલા સમિતિના પ્રમુખ રીમાબેન ઓઝા, જાગૃતીબેન પ્રજાપતિ, ભારતીબેન પ્રજાપતિ, અલકાબેન ઓતિયા સહિતની બહેનો તેમજ દાતા પરિવારજનોની ઉપસ્થિતિમાં દીપ પ્રાગટ્ય સાથે કરવામાં આવ્યો હતો.

આ પ્રસંગે ઉપસ્થિત રહેલા શ્રીયુત કે. સી. પટેલે જણાવ્યું હતું કે આજના યુગમાં બ્યુટી પાર્લર નું મહત્વ બહેનોમાં ખૂબ જ વધી ગયું છે. ત્યારે આ મોંઘવારીના જમાનામાં પરિવારના એક સભ્યની આવક ઉપર પરિવાર ચલાવવાની સાથે સાથે વધતા જતા આવા મોજ શોખ ના ખર્ચા પરિપૂર્ણ કરવા માટે પરિવારના એક કરતાં વધુ સભ્યોએ આત્મ નિર્ભર બની પરિવાર ને મદદરૂપ બનવાની ફરજ પડી છે.

ત્યારે પાટણ પ્રજાપતિ સમાજની મહિલા સમિતિ દ્વારા સમાજની બહેનોને આત્મ નિર્ભર બનાવવા આયોજિત કરાયેલ આ નિશુલ્ક બ્યુટીશન બેઝિક અને એડવાન્સ કોર્સનો લાભ લઇ સમાજની બહેનો આત્મનિર્ભર બની પરિવારજનોને મદદરૂપ બનશે તેવો આશાવાદ વ્યકત કરી આયોજન ની સફળતા માટે શુભેચ્છાઓ પાઠવી હતી.

પાટણ પ્રજાપતિ મહિલા સમિતિના પ્રમુખ રીમાબેન ઓઝાએ ઉપસ્થિત સૌ મહાનુભાવો સહિત સમાજ ના દાતા પરિવાર સહિત આ કોષૅ નો લાભ લેનાર સમાજની બહેનો અને ટ્રેનર રોશનીબેન પ્રજાપતિ ને આવકારી આભારની લાગણી વ્યક્ત કરી હતી.

અહેવાલ યશપાલ સ્વામી