ભગવાન જગન્નાથજી ના પ્રાગટ્ય દિન નિમિત્તે શનિવારે મંદિર પરિસર ખાતે કેળાના મનોરથ નું આયોજન કરાયું..

જગન્નાથજી ના ભકતો સવારે ૯ થી ૧૨ કલાક સુધી કેળાના મનોરથના દશૅનનો લાભ લઈ શકશે..

પાટણ તા. ૨૧
પાટણના ઐતિહાસિક શ્રી જગન્નાથ ભગવાનના મંદિર પરિસર ખાતે આગામી ૭ જુલાઈના રોજ અષાઢી બીજ ના પવિત્ર દિવસે નીકળનારી ભગવાન જગન્નાથજીની ૧૪૨ મી રથયાત્રાને લઈને જગન્નાથ મંદિર પરિસર ખાતે ટ્રસ્ટી મંડળ સહિત જગન્નાથ ભક્તો દ્વારા તડામાર તૈયારીઓ સાથે આયોજન ને આખરી ઓપ આપવામાં આવી રહ્યો છે…

આવતીકાલે શનિવાર ને જેઠ સુદ પૂનમના પવિત્ર દિવસે ભગવાન જગન્નાથજીના પ્રાગટ્ય દિન નિમિત્તે
ભગવાન જગન્નાથજી ની સન્મુખ યજમાન પરિવાર દ્વારા કેળાના મનોરથ નું ભક્તિ સભર માહોલમાં આયોજન કરવામાં આવ્યું હોવાનું મેનેજિંગ ટ્રસ્ટી પિયુષભાઈ આચાર્યએ જણાવ્યું છે.

શનિવારે ભગવાન સન્મુખ યોજાનાર કેળાના મનોરથના દશૅન સવારે ૯ થી બપોર ના ૧૨ કલાક સુધી ભકતો માટે ખુલ્લા રહેશે તો આ કેળાના મનોરથ ના દશૅન નો લાભ લેવા ધમૅ પ્રેમી નગરજનોને જગન્નાથ મંદિર ટ્રસ્ટના ટ્રસ્ટીઓએ જણાવ્યું છે.

અહેવાલ યશપાલ સ્વામી