પાટણના શ્રી બહુચર માતા મંદિરે વિશેષ પુજા અચૅના સાથે આતશબાજી કરવામાં આવી..
પાટણ તા. ૧૦
ગુજરાત ના પનોતા પુત્ર અને મોદી સમાજના ગૌરવ સમાન દેશના વડાપ્રધાન નરેન્દ્રભાઈ મોદીએ રવિવારે ત્રીજી વખત વડાપ્રધાન પદના શપથ ગ્રહણ કરતા પાટણ મોદી સમાજે ગૌરવ ની લાગણી અનુભવી ખુશી વ્યક્ત કરી હતી.
પાટણ મોદી સમાજ દ્વારા શહેરના સિધ્ધી સરોવર સમીપ આવેલ શ્રી બાળા બહુચર માતાજીના મંદિર પરિસર ખાતે વિશેષ પુજા અચૅના કરી વડાપ્રધાન નરેન્દ્રભાઈ મોદી ના વડપણ હેઠળ ભારત દેશ વિકાસ ની હરણફાળ ભરે તેવી કામનાઓ સાથે ફટાકડાની આતશબાજી કરવામાં આવી હતી.
આ ખુશી ના પ્રસંગે પાટણ મોદી સમાજના આગેવાન ડી. કે. મોદી, વસંતભાઈ મોદી, હસુભાઈ મોદી સહિત ના આગેવાનો, યુવાનો સહભાગી બન્યાં હતાં.