પાટણ તા. ૧૨
પાટણ જિલ્લાના સાંતલપુર તાલુકાના પીપરાળા ગામના પ્રભુ ભગત 82 દિવસની સાયકલ પર ચારધામ તીર્થ યાત્રા કરી પરત આવતા તેઓનું સમસ્ત ગ્રામજનો દ્રારા ભવ્ય સામૈયા સાથે સ્વાગત કરી પીપરાળા વેણુધામ મંદિર ખાતેથી તેઓની યાત્રા કાઢવામાં આવી હતી.
પાટણ જિલ્લાના સાંતલપુર તાલુકાના પીપરાળા ગામ ખાતે રહેતા પ્રભુ ભગત ચારધામની યાત્રા કરવા માટે સાયકલ લઈને નીકળ્યા હતા. ચારધામની સાયકલ યાત્રા 82 દિવસે પૂણૅ કરી તેઓ ગતરોજ પીપરાળા ગામ ખાતે પરત આવતા સમસ્ત ગ્રામજનો દ્વારા તેમનું ભવ્ય સ્વાગત કરવામાં આવ્યું હતું.
સાથે સાથે ગામની અંદર ભજન અને ભોજન સાથે ગૌ માતાને ઘાસ જેવા અન્ય દાન પુણ્યના કાયૅ પણ કરવામાં આવ્યા હતા. પાટણ જિલ્લાના સાતલપુર તાલુકાના પીપરાળા ગામ ખાતે આવેલ વેણુધામ ખાતે થી સાયકલ યાત્રા ચારધામ પૂર્ણ કરી 82 દિવસે પરત આવતા ગામની અંદર ઉત્સાહ અને ભક્તિનો માહોલ છવાયો હતો.
અહેવાલ યશપાલ સ્વામી
