પાટણ તા. ૧૨
પાટણ જિલ્લાના રાધનપુર ચામુંડા મંદિર પાસે પોલીસ દ્વારા અલગ અલગ સાત પોલીસ સ્ટેશનમાં પકડાયેલ ઇંગ્લિશ દારૂના જથ્થાનો મંગળવારે નાશ કરવામાં આવ્યો હોવાનું પોલીસ સુત્રો તરફથી જાણવા મળ્યું છે.
પાટણ જિલ્લાના રાધનપુર ખાતે રાધનપુર DYSP ની ઉપસ્થિતિમાં મંગળવારે અલગ અલગ સાત પોલીસ સ્ટેશનમાં પકડાયેલો 42 લાખથી વધુના ઇંગ્લિશ દારૂ ના જથ્થાપર બુલડોઝર ફેરવી નાશ કરવામાં આવ્યો હતો.
આ દારૂના જથ્થા મા રાધનપુર, વારાહી, સાતલપુર, સમી, શંખેશ્વર અને ચાણસ્મા પોલીસ સ્ટેશન ખાતે પકડાયેલ ઇંગ્લિશ દારૂનો જથ્થો ચુસ્ત પોલીસ બંદોબસ્ત વચ્ચે સ્થળ પર લાવી તેનો નાશ કરવામાં આવ્યો હતો.
જેમાં 30,941 વિદેશી દારૂ ની બોટલ જેની કિંમત 42 લાખ 90 હજાર 337 ની કિંમત નો ઇંગ્લિશ દારૂના જથ્થા ઉપર બુલડોઝર ફેરવી તેનો નાશ કરવામાં આવ્યો હતો. રાધનપુર-મહેસાણા રોડ ઉપર આવેલ ચામુંડા માતાજીના મંદિર પાસેના ગ્રાઉન્ડની વિવિધ પોલીસ સ્ટેશનના અધિકારીઓની ઉપસ્થિતિમાં સમગ્ર દારૂનો નાશ કરવામાં આવ્યો હોવાનું પોલીસ સુત્રોએ જણાવ્યું હતું.
અહેવાલ યશપાલ સ્વામી
