ઓસ્ટ્રેલિયા ની ચાલ્સૅ ડાર્વિન યુનિવર્સિટી ખાતે ઈન્ડિયન સ્ટુડન્ટ ફોરમના નેતૃત્વ મા વિશ્વ યોગ દિવસની ઉજવણી કરાઈ.

ઈન્ડિયન સ્ટુડન્ટ ફોરમના વાઈસ પ્રેસિડેન્ટ અને પાટણના વતની ધ્રુવ પટેલે સહ અધ્યાયની મદદ થી આયોજિત વિશ્વ યોગ દિવસની ઉજવણીને સૌએ સરાહનીય લખાવી.

પાટણ તા. 26
સ્વસ્થ મન અને તંદુરસ્ત તન માટે યોગ નું ખૂબ મહત્વ રહેલું છે. યોગ શબ્દ સંસ્કૃત ભાષા પરથી આવ્યો છે. ભારતના વડાપ્રધાન નરેન્દ્ર મોદીએ વષૅ 2015 ની તા. 21 જુનના રોજ મળેલ સંયુક્ત અધિવેશનમાં આંતરરાષ્ટ્રીય સ્તરે યોગ દિવસની ઉજવણી કરવાનો પ્રસ્તાવ રજુ કરતાં ઉપસ્થિત દેશો પૈકીના મોટા ભાગ ના દેશો એ તેને સહમતી આપી તા. 21 જુન ને વિશ્વ યોગ દિવસ તરીકે જાહેર કરવામાં આવેલ ત્યાર થી તા. 21 જુનના રોજ વિશ્વ યોગ દિવસની વિશ્વના 170 થી વધુ દેશોમાં યોગ દિવસ તરીકે ઉજવવામાં આવે છે.

આ વિશ્વ યોગ દિવસની ઉજવણી ચાલુ વર્ષે ઇન્ડિયન સ્ટુડન્ટ ફોરમ ના નેતૃત્વ હેઠળ ચાર્લ્સ ડાર્વિન યુનિવર્સિટી ઓસ્ટ્રેલિયામાં ઈન્ડિયન સ્ટુડન્ટ ફોરમ ના વાઈસ પ્રેસિડેન્ટ તરીકે ની જવાબદારી વહન કરનાર ઐતિહાસિક નગરી પાટણ ના વિધાર્થી ધ્રુવ ગીરીશભાઈ પટેલે ભારત અને બીજા અન્ય દેશોના 25 જેટલા વિદ્યાર્થીઓને એકત્રિત કરી વિશ્વ યોગ દિવસ ની ઉજવણી નું આયોજન કયુઁ હતું.

આ વિશ્વ યોગ દિવસની ઉજવણી મા ભાગ લેનાર ભારતીય અને વિદેશી વિધાર્થીઓને યોગગુરૂ અભિષેક અને ટ્રેસી એ યોગ ના વિવિધ આસનો શીખવાડી યોગ ના ફાયદાઓ વિશે માગૅદશૅન પુરૂ પાડ્યું હતું. ચાર્લ્સ ડાર્વિન યુનિવર્સિટી, ઓસ્ટ્રેલિયા ખાતે પાટણના વિધાર્થી ધ્રુવ પટેલ સહિત તેમના સહ અધ્યાયીઓ દ્રારા આયોજિત વિશ્વ યોગ દિવસની ઉજવણીના આયોજનની વિદેશી વિધાર્થીઓ સહિત ચાલ્સૅ ડાર્વિન યુનિવર્સિટી પરિવારે સરાહના કરી હતી.

અહેવાલ યશપાલ સ્વામી