પાટણ તા. ૨૬
પાટણ પ્રજાપતિ મહિલા સમિતિ દ્વારા પ્રજાપતિ સમાજની બહેનોને આત્મ નિર્ભર બનાવવા બ્યુટી પાર્લર કોષૅ એક માસ માટે શહેરના ટેલીફોનએક્ષ્ચેન્જ રોડ પર આવેલ સિધ્ધરાજ ક્રેડિટ સોસાયટીના એસી હોલમા સમાજના દાતા પરિવારોના સહયોગથી શરૂ કરવામાં આવ્યો છે.
સમાજની બહેનોને આત્મનિભૅર બનાવવાના ભાગરૂપે મંગળવારે બ્યુટી પાલૅર કોષૅ નો અભ્યાસ કરી રહેલ 50 થી વધુ બહેનોને પાટણ સમીપ આવેલ રાજપુર આઈ.ટી.આઈ ખાતે ચાલતા બ્યુટી પાર્લરના વર્ગની મુલાકાત લીધી હતી. બહેનો ને લઈ જવા અને લાવવા માટે ઓક્સફર્ડ સ્કૂલ ના ટ્રસ્ટી શાંતિભાઈ સ્વામી દ્વારા બસની સુવિધા ઉપલબ્ધ બનાવવામાં આવી હતી.
પાટણ પ્રજાપતિ મહિલા સમિતિના પ્રમુખ રીમાબેન ઓઝા અને ભારતીબેન પ્રજાપતિની આગેવાની હેઠળ સમાજની 50 થી વધુ બહેનોએ રાજપૂર આઈટીઆઈ મા ચાલતા બ્યુટી પાલૅર કોષૅ વિશે રૂબરૂ માહિતી મેળવી ત્યાં અપાતી તાલીમ થી માહિતગાર બન્યાં હતાં.
અહેવાલ યશપાલ સ્વામી
