નોરતાધામ ના સંત પ.પૂ.દોલતરામજી બાપુ આશ્રમ પરિવાર દ્વારા મહેસાણાની નાલંદા વિદ્યાલયના બાળકોને નિશુલ્ક નોટબુકોનું વિતરણ કરાયું…

પ. પૂ. દોલતરામ બાપુ આશ્રમના અનુયાયી રવિરામ મહારાજે ઉપસ્થિત રહી નોટબુકો નું વિતરણ કયુઁ..

પાટણ તા.૨૭
રાજ્ય સરકાર દ્વારા આયોજિત શાળા પ્રવેશોત્સવ અને કન્યા કેળવણી મહોત્સવ ગુજરાતની તમામ શાળાઓમાં રાજકીય,સામાજિક આગેવાનો અને સંતોની ઉપસ્થિતિ વચ્ચે યોજવામાં આવી રહ્યા છે.તો શાળા પ્રવેશોત્સવ દરમ્યાન પ્રવેશ મેળવનાર બાળકોને પ્રોત્સાહિત કરવા દાતા પરિવારો દ્વારા શૈક્ષણિક કીટ, વોટર બેગ અને તિથિ ભોજન પીરસવામાં આવતું હોય છે.

ત્યારે ગુરૂવારના રોજ પાટણ સમીપ આવેલા પ્રસિદ્ધ યાત્રાધામ સમા નોરતા ધામના સંત પ. પુ. દોલત રામ બાપુના રૂડા આશીર્વાદ સાથે મેહસાણા નાલંદા વિદ્યા વિહાર માં અભ્યાસ કરતા ધોરણ 1 થી 5 ના વિદ્યાર્થીઓને નિ શુલ્ક નોટબૂક વિતરણ નો કાર્યક્રમ આયોજિત કરવામાં આવ્યો હતો.

આ કાર્યક્રમમાં સંતશ્રી દોલતરામજી બાપુ આશ્રમ પરીવાર નોરતાધામ ના અનુયાયી પ. પૂ. રવિરામ મહારાજે ખાસ ઉપસ્થિત રહી પોતાના હસ્તે બાળકોને નિઃશુલ્ક નોટબુકોનું વિતરણ કરવામાં આવ્યું હતું. કાર્યક્રમ પ્રસંગે પૂ.ગુરુદેવ સંતશ્રી દોલતરામજી બાપુએ બાળકોના ઉજ્વળ ભવિષ્યની કામના સાથે રૂડા આશીર્વાદ પાઠવ્યા હતાં.

મહેસાણાની નાલંદા વિદ્યાલય ખાતે નોરતાના સંત શ્રી પરમ પૂજ્ય દોલતરામ બાપુ આશ્રમ પરિવાર દ્વારા આયોજિત કરાયેલ નિશુલ્ક નોટબુક વિતરણના કાર્યક્રમની શાળા પરિવાર સહિત બાળકોના વાલીઓએ મુક્ત મને સરાહના કરી હતી.

અહેવાલ યશપાલ સ્વામી