શાળાના વિદ્યાર્થીઓને પ્રોત્સાહિત કરવા શિલ્ડ અને પ્રમાણપત્ર એનાયત કરાયા..
પાટણ તા. ૨૯
પાટણ શહેરના રાજમહેલ રોડ પર આવેલ તપોવન સ્કૂલ ખાતે ભારત વિકાસ પરિષદ પાટણ મહિલા ટીમ દ્વારા ગુરુપૂર્ણિમા નિમિત્તે ગુરુ વંદન છાત્ર અભિનંદન કાર્યક્રમનું આયોજન કરવામાં આવ્યું હતું. ગુરુ વંદન છાત્ર અભિનંદન કાર્યક્રમમાં ભાગ લેનાર તપોવન સ્કૂલના બાળકોને ભારત વિકાસ પરિષદ મહિલા ટીમ દ્વારા શિલ્ડ અને પ્રમાણપત્ર આપી પ્રોત્સાહિત કરવામાં આવ્યા હતા.
તપોવન સ્કૂલ ખાતે આયોજિત કરાવેલા ગુરુ વંદન છાત્ર અભિનંદનના પવિત્ર કાર્યક્રમને સફળ બનાવવા શાળા સંચાલક હાર્દિકભાઈ રાવલ સહિત ના સમગ્ર સ્ટાફ પરિવારે સુંદર આયોજન સાથે જહેમત ઉઠાવી હતી.
અહેવાલ યશપાલ સ્વામી
