શ્રાવણ માસ દરમિયાન જાહેર માર્ગો પર કાર્યરત નોનવેજના વ્યવસાયો સાથે કતલખાનામાં થતાં અબોલ જીવોની હત્યા બંધ કરવાની માગ ઉઠી..

પાટણ કલેકટર કચેરી ખાતે બજરંગ સેના દ્વારા પોતાની લાગણી સાથેની માગણી વાળું આવેદનપત્ર અપાયું..

પાટણ તા. ૫
હિન્દુ ધર્મમાં પવિત્ર ગણાતા ભગવાન ભોળા નાથ ની ભક્તિ આરાધના માટે શ્રાવણ માસને ખુબ મહત્વ નો મહિનો ગણવામાં આવે છે. પાટણ શહેર સહિત સમગ્ર જિલ્લામાં શ્રાવણ માસ દરમિયાન જાહેર માગૅ પર ચાલતાં નોનવેજના ધંધા રોજગાર ને કારણે તેમજ કતલખાનાઓમાં અબોલ જીવોના કરવામાં આવતા કત્લોને કારણે પણ આ પવિત્ર માસમાં સમગ્ર હિન્દુ સમાજના ધર્મની લાગણી દુભાતી હોય છે.

શ્રાવણ માસ દરમિયાન પાટણ શહેર સહિત સમગ્ર જિલ્લામાં જાહેર માર્ગો પર વેચાતા માસ મટનના વ્યવસાય સંપૂર્ણપણે બંધ રાખી કતલખાનાઓમાં પણ અબોલ જીવોની કરવામાં આવતી હત્યાઓ પણ શ્રાવણ માસ દરમિયાન સંપૂર્ણપણે બંધ રહે તે માટે તંત્ર દ્વારા તાત્કાલિક ધોરણે આ મામલે કાર્યવાહી હાથ ધરે તેવી લાગણી સાથે માગણી રજૂ કરતું આવેદનપત્ર શ્રાવણ માસના પ્રારંભ ના પ્રથમ દિવસે સોમવારના રોજ બજરંગ સેના પાટણ જિલ્લાના કાર્યકર્તાઓ દ્વારા કલેક્ટર કચેરીએ આપવામાં આવ્યું હોવાનું જાણવા મળ્યું છે.

અહેવાલ યશપાલ સ્વામી