પાટણ જિલ્લા હોમગાર્ડઝ કચેરી ખાતે હોમગાર્ડઝ સભ્યો ને હોમગાર્ડઝ કલ્યાણ નિધિ સહાય ચુકવવામાં આવી…

પાટણ તા. ૨
પાટણ શહેર હોમગાર્ડઝ યુનિટ ના હોમગાર્ડ સભ્ય પરમાર જયેશકુમાર કેશાભાઈ નુ વિધાનસભા ચૂંટણી વખતે ચાલુ ફરજ પર અકસ્માત થવાથી મરણ ગયેલ જેમને ચાલુ ફરજ પર મરણોત્તર સહાય 400000 (ચાર લાખ) રૂપિયા અને અંતેષ્ઠી સહાય ના 5000 રૂપિયા સહાય ના ચેક શુક્રવારે આપવામાં આવ્યા હતા. જયારે હારીજ હોમગાર્ડ યુનિટ ના બે જવાનો ના દિકરી ના લગ્ન પ્રસંગ ની લગ્ન સહાય 40000 (ચાલીસ હજાર સહાય) ચુકવવામાં આવી હતી.

તો સમી યુનિટ ના હોમગાર્ડ સભ્ય ને બીમારી ની તબીબી સહાય રૂપિયા 8449 નો ચેક આપવામાં આવ્યો હતો. પાટણ શહેર ના મહિલા હોમગાર્ડ સભ્ય ને પ્રસૃતિ સહાય ના રૂપિયા 5000 નો ચેક આપવામાં આવ્યો હતો.આ પ્રસંગે ભારતીય જનતા પાર્ટી પાટણના અધ્યક્ષ ડો.દશરથજી ઠાકોર તથા પાટણ જિલ્લા હોમગાર્ડઝ ના કમાન્ડન્ટ સંજયભાઈ ઠાકોરે ઉપસ્થિત રહી તેઓના વરદ હસ્તે હોમ ગાર્ડઝ કલ્યાણ નિધિ સહાય ના ચેક વિતરણ કરવા માં આવ્યા હતા. આ પ્રસંગે જિલ્લા કચેરી નો સ્ટાફ નીશાબેન પ્રજાપતિ તથા હોમગાર્ડઝ સભ્યો અને પરિવાર ના સભ્યો,યુનિટ અધિકારીઓ ઉપસ્થિત રહ્યા હતા.

અહેવાલ યશપાલ સ્વામી