ગુજરાત પ્રદેશ ભાજપના પૂર્વ મહામંત્રી કે સી પટેલે રક્ષાબંધનના પવિત્ર દિવસે શ્રી રોટલીયેશ્વર ની પુજા કરી ધન્યતા અનુભવી..

મંદિર પરિસર ખાતે ચાલતી કામગીરીનું નિરીક્ષણ કરી જરૂરી માર્ગદર્શન પૂરું પાડ્યું..

પાટણ તા. ૧૯
પાટણ શહેરના વિશ્વના એક માત્ર શ્રી રોટલીયા હનુમાનજી મંદિર પરિસર ખાતે સુચિત સ્થાપિત કરાયેલા શ્રી રોટલીયેશ્વર મહાદેવ સ્થાનકે રક્ષાબંધન અને શ્રાવણ માસના સોમવારના પવિત્ર દિવસે ગુજરાત પ્રદેશ ભારતીય જનતા પાર્ટીના પૂર્વ મહામંત્રી અને પાટણના પનોતા પુત્ર કે.સી.પટેલે ભગવાન ભોળાનાથને બીલીપત્ર ચડાવી પૂજા અર્ચના કરી ધન્યતા અનુભવી હતી.

આ પ્રસંગે રોટલીયા હનુમાનજી મંદિરના સ્થાપક સેવક અને પાટણ એપીએમસીના ચેરમેન સ્નેહલભાઈ પટેલે મંદિર પરિસર ખાતે ચાલતી કામગીરીની માહિતી પ્રદાન કરી હતી.તો મંદિરના પૂજારી વિપુલ મહારાજ દ્વારા રક્ષાબંધન ના પવિત્ર દિવસે તેઓને રાખડી બાંધી શ્રી રોટલીયા દાદા અને શ્રી રોટલીયેશ્વર મહાદેવ ના રૂડા આશીર્વાદ પાઠવ્યાં હતાં. કે. સી. પટેલે શ્રી રોટલીયા હનુમાનજી મંદિર ના જીર્ણોદ્ધાર ના કામ કાજ ની માહિતી મેળવી તેનું નિરિક્ષણ કરી જરૂરી માર્ગદર્શન પુરૂ પાડ્યું હતું.

અહેવાલ યશપાલ સ્વામી