પાટણના શ્રી બાળા બહુચર માતાજીના મંદિર પરિસર ખાતે માતાજીની અસવારીમાં ભાવિક ભક્તો ઉમટયા..

પાટણ તા. ૧૯
શ્રાવણ સુદ પૂનમને રક્ષાબંધન ના પવિત્ર દિવસે પાટણના સિદ્ધિ સરોવર સમીપ આવેલા શ્રી બાળા બહુચર માતાજીના મંદિર પરિસર ખાતે ધાર્મિક ઉત્સવની સાથે સાથે સાંજે 5:30 કલાકે માતાજીની ભક્તિ સભર સંગીતના સૂરો વચ્ચે અસવારી નીકળી હતી. જેના યજમાન પદે જય બહુચર ગ્રુપના માય ભક્તોએ લ્હાવો લીધો હતો.

માતાજીની અસવારી મંદિર પરિસર ખાતેથી નીકળી મંદિર સંકુલ માં ફરીને નિજ મંદિરે સંપન્ન બની હતી. જ્યાં માતાજી સન્મુખ મહા આરતી પૂજા, અર્ચના સાથે સૌ માય ભક્તોએ પ્રસાદ ગ્રહણ કરી ધન્યતા  અનુભવી હતી.

અહેવાલ યશપાલ સ્વામી