હેરિટેજ ગરબા મહોત્સવ 2024 ની આવક માથી અબોલ જીવોની સારવાર માટે લવાયેલ એમ્બ્યુલન્સ વાન નું લોકાર્પણ કરાયું..

પાટણ ધારાસભ્ય સહિત જાણીતા ગાયક કલાકાર કિશન રાવલ અને અન્ય મહાનુભાવોએ હેરિટેજ ગૃપની જીવદયાની પ્રવૃતિને સરાહનીય લેખાવી..

પાટણ તા. ૨૧
પાટણ શહેરના ખોડાભા હોલના વિશાળ પટાંગણમાં સતત ત્રણ વર્ષથી પાટણના ઉત્સવ પ્રિય ખેલૈયાઓ માટે અને જીવ દયાના લાભાર્થે હેરિટેજ નવરાત્રી ગરબા મહોત્સવનું સુંદર અને ભવ્યતા થી ભવ્ય રીતે જીવદયા પ્રેમી ચિરાગભાઈ પટેલ અને તેમની સેવાભાવી યુવાનો
ની ટીમ દ્વારા આયોજન કરવામાં આવ્યું હતું.

હેરિટેજ નવરાત્રી ગરબા મહોત્સવ 2024 ના શિસ્તબદ્ધ રીતે અને સરકારની સંપૂર્ણ ગાઈડ લાઈન ના પાલન સાથે કરાયેલા આયોજનની પાટણના સાંસદ ભરત સિંહ ડાભી અને પાટણના ધારાસભ્ય ડો.કિરીટ પટેલ સહિત પાટણના રાજકીય, સામાજિક આગેવાનો સાથે સરકારી તંત્રના અધિકારીઓએ પણ મુકત મને પ્રશંસા કરી હેરિટેજ ગૃપના તમામ સભ્યોને પ્રોત્સાહિત કયૉ હતાં. તો પાટણના ખેલૈયાઓએ પણ મુકત મને અને નિશ્ચિત બની મોડી રાત સુધી હેરિટેજ નવરાત્રી ગરબા મહોત્સવ ના સથવારે રાસગરબા ની રમઝટ મચાવી નવરાત્રી પર્વને યાદગાર બનાવ્યો હતો.

જીવદયા ના લાભાર્થે ખોડાભા હોલ ખાતે યોજાયેલ હેરિટેજ નવરાત્રી ગરબા મહોત્સવ 2024 ના આયોજકો દ્વારા હેરિટેજ ગરબા માંથી જે રકમની આવક થઈ તે રકમ માંથી જીવ દયા માટે ખરીદવામાં આવેલ એમ્બ્યુલન્સ વાન નું રવિવારે સાંજે ખોડાભા હોલ ખાતે પાટણના ધારાસભ્ય ડો. કિરીટ પટેલ, જાણીતા ગાયક કલાકાર કિશન રાવલ સહિતના મહાનુભાવો ની વિશેષ ઉપસ્થિતિમાં લોકાર્પણ કરવામાં આવ્યું હતું.

હેરિટેજ ગરબા મહોત્સવ ની આવક માથી લવાયેલ એમ્બ્યુ લન્સ વાનના લોકા ર્પણ પ્રસંગે ઉપસ્થિત રહેલા પાટણ ના ધારાસભ્ય ડો. કિરીટ પટેલે જણાવ્યું હતું કે ગરબાના આયોજન થકી જીવદયા ની ભાવનાને ઉજાગર કરવા આયોજકો દ્રારા લવાયેલ એમ્બ્યુલન્સ વાન દ્વારા ઘાયલ અબોલ પશુ-પક્ષીઓને તાત્કાલિક સારવાર મળી રહેશે ત્યારે આયોજકો એ આ સુંદર આયોજન કરી જીવદયા માટે ઉમદા કાર્ય કયુઁ હોય જે બદલ હેરિટેજ ગરબા ના આયોજક ચિરાગ પટેલ સહિત તમામ સભ્યોને તેઓએ અભિનંદન સાથે શુભેચ્છાઓ પાઠવી હતી.

આ પ્રસંગે ઉપસ્થિત ગાયક કલાકાર કિશન રાવલ,નગરસેવક ભરતભાઈ ભાટિયા,પત્રકાર યશપાલ સ્વામી, જીવદયા પ્રેમી બંટી શાહ સહિતના ઓએ પણ જીવદયા ના લાભાર્થે આયોજિત કરવામાં આવેલ હેરિટેજ નવરાત્રી ગરબા મહોત્સવ ના આયોજન ની સરાહના કરતાં હેરિટેજ ગરબા મહોત્સવ ના આયોજક ચિરાગ પટેલ સહિતના સભ્યોએ સૌનો આભાર વ્યક્ત કર્યો હતો. સમગ્ર કાર્યક્રમ નું સફળ સંચાલન એન્કર પરેશ લિમ્બાચીયા દ્રારા કરવામાં  આવ્યું  હતું.

અહેવાલ યશપાલ સ્વામી