પાટણ જિલ્લા સુરક્ષા સેતુ સોસાયટી અંતર્ગત સ્ટુડન્ટ પોલીસ કેડેટ્સ પ્રોજેક્ટના સાત દિવસીય વાર્ષિક સમર કેમ્પનો પ્રારંભ…

યુનિવર્સિટી કેમ્પસ ખાતે આયોજિત આ કેમ્પ 450થી વધુ બાળકો સહભાગી બન્યા…

પાટણ તા. ૭
પાટણમાં જિલ્લા સુરક્ષા સેતુ સોસાયટી અંતર્ગત સ્ટુડન્ટ પોલીસ કેડેટ્સ પ્રોજેક્ટના સાત દિવસીય વાર્ષિક સમર કેમ્પનું હેમચંદ્રાચાર્ય ઉત્તર ગુજરાત યુનીવર્સીટી કેમ્પસમાં આયોજન કરવામાં આવ્યું છે. હેમચંદ્રાચાર્ય ઉત્તર ગુજરાત યુનિવર્સિટી કેમ્પસ ખાતે આયોજીત આ સમર કેમ્પમાં 450 થી વધુ બાળકોએ ભાગ લીધો છે.

પોલીસ મહાનિરીક્ષક સરહદી રેન્જ- ભુજ, જિલ્લા પોલીસ અધિક્ષક ડૉ.રવિન્દ્ર પટેલના માર્ગદર્શન હેઠળ તેમજ નોડલ અધિકારી અને નાયબ પોલીસ અધિક્ષક મહેન્દ્રસિંહ સોલંકીની હાજરીમાં CPOS અને DIS સાથે શરૂ કરાયેલ સમર કેમ્પના પ્રથમ દિવસે SPC પ્રોજેક્ટ હેઠળ કાર્યરત જિલ્લાની અલગ અલગ શાળા માંથી આવેલ સ્ટુડન્ટ્સ પોલીસ કેડેટસ્, CPO (શિક્ષક) તેમજ (DI) ડ્રીલ ઇન્સ્ટ્રક્ટર, નોડલ અધિકારી અન્ય પોલીસ અધિકારીઓની હાજરીમાં પોલીસ બેન્ડ દ્વારા બાળાઓએ પરંપરાગત સંગીત રજૂ કરીને કંકુતિલક તેમજ પુષ્પ અર્પણ કરી હર્ષોલ્લાસ સાથે મહેમાનોને આવકાર્યા હતા.

રાજ્ય કક્ષાએથી મળેલ સૂચના અને સમયપત્રક મુજબ કેમ્પમાં થનાર પ્રવુતિઓ અને વિવિધ ઇવેન્ટસ્ બાબતે મહેમાનોને માહિતગાર કરીને સમય પત્રક પ્રમાણે પ્રથમ દિવસમાં આપેલ સૂચનાઓનું સંપૂર્ણ અમલીકરણ કરવામાં આવ્યું હતુ. કેમ્પના આયોજનના ભાગરૂપે સમાવિષ્ટ સુરક્ષાની સાથો સાથ મેડિકલ ટીમ, ફાયર સેફ્ટી અને ભોજન સહિતની તમામ વ્યવસ્થાઓ કરવામાં આવી હતી..

આ પ્રોજેકટ સાથે જોડાયેલ સરકારના અન્ય વિભાગો અને એકમોને પોતાની સંલગ્ન માહિતી સાથે હાજર રહી કેડેટ્સના વિદ્યાર્થીઓમાં સમર કેમ્પ દરમિયાન જ્ઞાન અને ઉત્સાહમાં વધારો કરવા માટે આમંત્રિત કરવામાં આવ્યા હોવાનું જાણવા મળ્યું છે.

અહેવાલ યશપાલ સ્વામી