પાટણના પનોતા પુત્ર કે. સી.પટેલ ના 66 માં વર્ષમાં મંગલ પ્રવેશની સેવાકીય કાર્ય થકી ઉજવણી કરાઈ..

સિવિલ હોસ્પિટલના દર્દીઓને ફ્રુટ વિતરણ અને સેવા વસ્તીના જરૂરિયાતમંદ પરિવારોને ભોજન સાથે રાશન કીટો અપાઈ..

પાટણ તા. ૨૩
પાટણના પનોતા પુત્ર અને ગુજરાત પ્રદેશ ભારતીય જનતા પાર્ટીના પૂર્વ મહા મંત્રી તેમજ ભારતીય જનતા પાર્ટી સદસ્યતા અભિયાન 2024 ના ગુજરાત પ્રદેશના સંયોજક કે.સી. પટેલના બુધવારે 66 માં વર્ષમાં મંગલ પ્રવેશ નિમિત્તે વિવિધ સેવાકીય પ્રવૃત્તિ સાથેના કાર્યક્રમો થકી તેઓના જન્મદિવસની ઉજવણી કરવામાં આવી હતી.

કે.સી.પટેલ ના 66 મા વષૅમાં પ્રવેશ પ્રસંગે પાટણ સિવિલ હોસ્પિટલમાં દર્દીઓને ફ્રુટ વિતરણ તેમજ સેવા વસ્તીમાં રહેતા જરૂરિયાત મત પરિવારોને સાકર પાર્ટી પ્લોટ ખાતે મિષ્ટ ભોજન તેમજ જીવન જરૂરી ચીજ વસ્તુઓની રાશન કીટ વિતરણ કરવામાં આવ્યું હતું..

કે. સી. પટેલના જન્મદિવસ નિમિત્તે આયોજિત કરાયેલા આ સેવાકીય કાર્યમાં કે.સી.પટેલ, જિલ્લા ભાજપ પ્રમુખ ડો. દશરથજી ઠાકોર, મહા મંત્રી ભાવેશભાઈ પટેલ, પાટણ એ પી એમ સી ના ચેરમેન સ્નેહલભાઈ પટેલ, શહેર ભાજપ પ્રમુખ કિશોર ભાઈ મહેશ્વરી, પાટણ નગરપાલિકા પ્રમુખ હિરલબેન પરમાર, પૂર્વ પાલિકા પ્રમુખ હેમંતભાઈ તન્ના, કોર્પોરેટર મહેશભાઈ પટેલ,ભાજપ આગેવાન શાંતિભાઈ સ્વામી, ગંગારામ ભાઈ સોલંકી, સતિષ ભાઈ ઠક્કર, સી.સી.ઠક્કર વિજય ભાઈ પટેલ, નીલમ પટેલ, હર્ષ પટેલ, પ્રહલાદ ભાઈ પટેલ, દિલીપભાઈ પટેલ, સચિન પ્રજાપતિ સહિત મોટી સંખ્યામાં ભારતીય જનતા પાર્ટીના આગેવાનો, કાર્યકરો તેમજ કે. સી. પટેલના પરિવારજનો સાથે શુભેચ્છકો ઉપસ્થિત રહ્યા હતા.

અહેવાલ યશપાલ સ્વામી