પાટણના ધાયણોજ મુકામે આંગણવાડી,બાલવાટિકા અને પ્રાથમિક શાળામાં કન્યા કેળવણી શાળા પ્રવેશોત્સવ ઉજવાયો..

પ્રાંત અધિકારી સહિત મહાનુભાવો એ ઉપસ્થિત રહી બાળકોને કુમકુમ તિલક સાથે મીઠું કરાવી પ્રવેશ કરાવ્યો..

પાટણ તા. 16

રાજ્ય સરકાર દ્વારા સમગ્ર રાજ્યમાં કન્યા કેળવણી અને શાળા પ્રવેશોત્સવ કાર્યક્રમ આયોજિત કરવામાં આવ્યો હતો જે અંતર્ગત પાટણ જિલ્લાના ધારણોજ મુકામે આંગણવાડી, બાલવાટિકા તેમજ પ્રાથમિક શાળામાં કન્યા કેળવણી અને પ્રવેશોત્સવ કાર્યક્રમ પ્રાંત અધિકારી મિતુલભાઈ પટેલ, પાટણ તાલુકા ભાજપ પ્રમુખ મગનભાઈ પટેલ, સી.આર.સી શંભુભાઈ, ડીયો હર્ષભાઈ, સુપરવાઇઝર જ્યોત્સના બેન પટેલ, શાળાના આચાર્ય અને વાલીગણની વિશાળ ઉપસ્થિતિ વચ્ચે યોજવામાં આવ્યો હતો.

આ પ્રસંગે ઉપસ્થિત મહાનુભાવો એ ભૂલકાઓને કુમકુમ તિલક કરી મો મીઠું કરાવી ઉત્સાહ ઉમંગ સાથે પ્રવેશ કરાવ્યો હતો. તો દાતા પરિવારો દ્વારા બાળકોને સ્કૂલ બેગ અને સ્કુલ કીટ વિતરણ કરવામાં આવી હતી. તો ચતુરભાઈ મગનભાઈ પટેલ પરિવાર દ્વારા આંગણવાડીને ઈડલી કુકરની ભેટ અર્પણ કરી દરેક બાળકોને કેરીની મિજબાની કરાવી હતી.

અહેવાલ યશપાલ સ્વામી